Սերժ Սարգսյան. Հայաստանը հույս ունի նոր տրանսպորտային ուղիներ ստանալ դեպի Վրաստանի նավահանգիստներ29 նոյեմբերի 2011 - 16:45 AMT PanARMENIAN.Net - Հայաստանը հույս ունի նոր ենթակառուցվածքային նախագծերի իրականացման արդյունքում նոր տրանսպորտային ուղիներ ստանալ դեպի Վրաստանի նավահանգիստները: Այդ մասին Թբիլիսիում Վրաստանի նախագահ Միխայիլ Սահակաշվիլիի հետ համատեղ մամլո ասուլիսում հայտնել է Հայաստանի նախագահ Սերժ Սարգսյանը: «Հյուսիս-Հարավ նոր ավտոճանապարհի կառուցումը կմիավորի Երևանն ու Բաթումին, ինչը նոր խթան կդառնա մեր երկրների միջև ապրանքաշրջանառության զարգացման համար: Բոլոր բեռների 20% Հայաստան են հասնում Վրաստանով, և մեզ համար շատ կարևոր են նոր ճանապարհները, որոնք կմիավորեն մեզ Վրաստանի նավահանգիստների հետ»,- ասել է նա: Հայաստանի նախագահը հույս է հայտնել, որ այդ մայրուղու շինարարությունը կիրականացվի մոտ ժամանակներս, ինչը Հայաստանին տնտեսապես ավելի արագ զարգանալու հնարավորություն կտա: Սերժ Սարգսյանը հաստատել է Վրաստանի հետ էլեկտրաէներգետիկ համակարգերի աշխատանքի սինխրոնացման ուղղությամբ ավելի ակտիվ համագործակցելու Հայաստանի ցանկությունը: Հայաստանի նախագահը նշել է, որ այսօր Վրաստանի և Հայաստանի հարաբերությունները «գագաթնակետում» են և ապագայում առավել կխորանան: «Այս տարի մեր երկրների միջև առևտուրն ավելացել է 20%-ով: Դա լավ է, բայց, իհարկե, բավարար չէ: Մենք պետք է մինչև վերջ օգտագործենք մեր հնարավորությունները»,- ասել է նա, հաղորդում է Trend-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |