Բակո Սահակյանը երախտագիտություն է հայտնել Ուրուգվային ԼՂՀ-ին մշտապես սատարելու համար 2 դեկտեմբերի 2011 - 16:53 AMT PanARMENIAN.Net - Արցախի Հանրապետության նախագահ Բակո Սահակյանը դեկտեմբերի 1-ին Մոնտեվիդեո քաղաքում այցելել է Ուրուգվայի Արևելյան Հանրապետության ներկայացուցիչների պալատ և հանդիպել պալատի խոսնակ Լուիս Լակալյեի, արտաքին հարաբերությունների մշտական հանձնաժողովի նախագահ Մարիա Էլենա Լաուրնագայի, ներկայացուցիչների պալատի և Սենատի մի խումբ անդամների հետ, հաղորդում է ԼՂՀ նախագահի աշխատակազմի տեղեկատվության գլխավոր վարչությունը: Հանդիպմանը քննարկվել են ԼՂՀ ներքին կյանքին, արտաքին քաղաքականությանը, Արցախ-Ուրուգվայ կապերի զարգացմանը և տարածաշրջանային գործընթացներին վերաբերող հարցեր: Նախագահ Սահակյանը շնորհակալություն է հայտնել Ուրուգվային հայ ժողովրդին մշտապես սատարելու համար` հավելելով, որ «մեր ժողովուրդը երբեք չի մոռանա, որ հենց այդ պետությունն է առաջինը աշխարհում պաշտոնապես ճանաչել 1915 թվականի Հայոց ցեղասպանությունը»: Իր խոսքում Բակո Սահակյանը նշել է, որ Արցախի և Ուրուգվայի անկախության ուղիներն ունեն շատ նմանություններ, ինչը ավելի է մերձեցնում մեր եկրները: Խոսելով ադրբեջանա-ղարաբաղյան հակամարտության կարգավորման մասին` Նախագահն ընդգծել է, որ պաշտոնական Ստեփանակերտը կողմնակից է խաղաղ կարգավորմանը, ինչը սակայն ամենևին էլ Արցախի թուլության կամ անցյալին վերադառնալու հնարավորության նշան չէ: Երկուստեք նշվել է երկկողմ հարաբերությունների զարգացման շահագրգրվածության մասին: Նախագահ Սահակյանն ընդգծել է, որ Ուրուգվայի հետ կապերի սերտացումը դրականորեն կազդի ինչպես տարածաշրջանում խաղաղության ու կայունության պահպանման, այնպես էլ Արցախի Հանրապետության միջազգային ճանաչման վրա: Հանդիպումից հետո երկրի ղեկավարը Ուրուգվայի պատգամավորների հետ հարգանքի տուրք է մատուցել այդ պետության ազգային հերոս Խոսե Արտիգասի շիրիմին: Հանդիպմանը մասնակցում էին Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, Արգենտինայում, Ուրուգվայում և Չիլիում ՀՀ արտակարգ և լիազոր դեսպան Վլադիմիր Կարմիրշալյանը, Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Փոխվարչապետ․ «Զվարթնոցի» նոր տերմինալի նախագիծ կա, բայց բարդություններ կան Նա նշել է, որ նոր տերմինալի նախագծի արժեքը մոտ 450 մլն եվրո է կազմում «Երևանի ավտոբուսի» վարորդները գործադուլ են անում․ Քաղաքապետարանը դա համարում է սաբոտաժ Վարորդները բողոքում են նոր ղեկավարության դեմ Խամենեին՝ Փաշինյանին․ Մեր հանգուցյալ նախագահը զգայուն էր ՀՀ-ի սահմանային խնդիրների նկատմամբ Նա նշել է, որ Իրանի և Հայաստանի հարաբերություններն ունեն հակառակորդներ Փաշինյանն Իրանի նախագահի ԺՊ-ի հետ հանդիպմանը հույս է հայտնել, որ նախանշված ծրագրերը կշարունակվեն Զրուցակիցն ասել է, որ իրենք խորապես գնահատում են, որ բարեկամական Հայաստանը այսօր կիսում է իրենց վիշտը |