ՀՀ իրավապահ մարմինները վերապատրաստվել են կիբերանվտանգության մասնագետների կողմից 8 դեկտեմբերի 2011 - 11:12 AMT PanARMENIAN.Net - Այսօր առավոտյան մեկնարկել է «Կիբերանվտանգությունը և կիբերհանցավորության վիճակը ՀՀ-ում» կոնֆերանսը, որը կազմակերպվել է ՀՀ ոստիկանության և ԵԱՀԿ Երևանյան գրասենյակի կողմից: Կոնֆերանսին բացման խոսքով հանդես եկան ԵԱՀԿ Երևանյան գրասենյակի ղեկավարի պաշտոնակատար Քարել Հոֆսթրան և ՀՀ ոստիկանության պետի առաջին տեղակալ Հունան Պետրոսյանը: «Այսօրվա փորձագիտական քննարկման նպատակն է գնահատել Հայաստանում կիբերանվտանգության վիճակը: Մենք գիտակցում ենք, որ սա Հայաստանի իշխանությունների, իրավապահ մարմինների, ոստիկանության խնդիրն է: ԵԱՀԿ-ն 2005-ից աջակցում է ՀՀ կառավարությանը այս խնդիրները վեր հանելու գործում: Մենք վերապատրաստման դասընթացներ ենք անցկացրել ՀՀ իրավապահ մարմինների և անվտանգության աշխատակիցների հետ՝ փոխանցելով կիբերանվտանգության փորձագետների միջազգային փորձը»,- նշեց Քարել Հոֆսթրանը: Ըստ նրա, Հայաստանում օրեցօր ավելանում է ինտերնետ օգտագործողների քանակը: «Այժմ մարդիկ սկսում են իրենց հաշիվները կառավարել օնլայն՝ օգտվելով ինտերնետ banking ծառայություններից: Բացի դրանից Հայաստանի կառավարությունը հանձնարարել է էլեկտրոնային կառավարման ներդրման առաջնահերթություն: Այս ամենին զուգահեռ աճում է կիբերանվտանգության կարևորությունը: Այս ոլորտում շատ կարևոր է կրթությունը»,- ասաց նա և հավելեց, որ Եվրոպական համալսարանում ներդրվելու է կիբերանվտանգության ուսումնական ծրագիր, որի ընթացքում ուսանողները կծանոթանան կիբեր միտումներին, վտանգներին: ՀՀ ոստիկանության պետի առաջին տեղակալ Հունան Պողոսյանի խոսքով` կիբերհանցագործությունների հանցատեսակի ուսումնասիրությունները ցույց են տալիս, որ առանց պետական մոտեցման, տեխնիկական միջամտության և կրթության հնարավոր չէ ոլորտում արդյունքների հասնել: «Համակարգչային տեղեկությունների ապօրինի տնօրինումը, սոցցանցերում մարդկանց և երեխաների նկատմամբ ոտնձգությունները և կիբերհանցագործությունների այլ տարատեսակները մշտապես գտնվում են ՀՀ ոստիկանության ուշադրության կենտրոնում: Այսօր մենք գրանցում ենք բացահայտման լուրջ արդյունքներ: Կրթությունը, փորձը, տեխնիկական հագեցածությունը, օրենսդրական ակտերը այն գործոններն են, որոնք նպաստում են կիբերհանցագործությունների դեմ պայքարին»,- նշեց նա: Ըստ Հունան Պողոսյանի, այս ոլորտում հիմքն արդեն դրված է: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բայրամով․ Պայմանագրի վերաբերյալ ՀՀ պատասխանում դրական դինամիկա կա «Բաց մնացող հարցերի քանակը նվազել է»,–ասել է նա ՀՀ-ն և Վրաստանը միասնական հայտով կդիմեն FIFA` հյուրընկալելու երիտասարդների ԱԱ-ն ՈՒԵՖԱ-ն հաստատել է աջակցությունը Հայաստանի և Վրաստանի միասնական հայտին Հունգարիայի ԱԳ նախարար․ Եթե ԵՄ–ն 10 մլն եվրո է տալիս ՀՀ–ին, Ադրբեջանին էլ պետք է տա Նա ասել է, որ որ Հունգարիան հետևելու է, որ ԵՄ–ն հավասարակշռված քաղաքականություն վարի Հարավային Կովկասwum Հանրային ռադիոյի գործադիր տնօրենի թափուր պաշտոնի մրցույթը համարվել է չկայացած Խումարյանը գրել է, որ մասնակցելու է նաև նոր մրցույթին և որ Խորհուրդը պետք է հրաժարական տա |