ՀՀ մշակույթի նախարարության կայքը ճանաչվել է ամենաանբովանդակալիցը, անտրամաբանականն ու խառը 9 դեկտեմբերի 2011 - 14:33 AMT PanARMENIAN.Net - Այսօր Խոսքի ազատության պաշտպանության կոմիտեի նախագահ Աշոտ Մելիքյանը և իրավաբան Օլգա Սաֆարյանը լրագրողներին մամլո ասուլիսում ներկայացրեցին 2011-ին կոմիտեի իրականացրած Հայաստանի պետական մարմինների կայքերի մոնիտորինգի արդյունքները։ Մոնիտորինգի նպատակն էր գնահատել, թե որքանով թափանցիկ են աշխատում պետական մարմինները և որքանով տեղյակ պահում հանրությանը կարևոր լուրերի մասին։ Մոնիտորինգն անցկացվել է երկու փուլով. Առաջինը՝ փետրվարի 1-ից մինչև ապրիլի 30-ը, 2-րդը՝ հուլիսի 1-ից հոկտեմբերի 15-ը։Մոնիտորինգի արդյունքում ուսումնասիրվել է 38 կայք՝ ըստ խմբերի։ 1-ին խմբում էին ՀՀ նախարարությունների և կառավարության առընթեր մարմինների կայքերը, 2-րդում՝ մարզային պետական կայքերը, 3-ում՝ ՀՀ նախագահի, ԱԺ, կառավարության, սահմանադրական դատարանի և դատախազության կայքերը։ Կայքերն ուսումնասիրվել են 177 չափորոշիչով, որոնցից 150-ը բովանդակային են (հասցե հեռախոսից մինչև բյուջե), մնացածը՝ տեխնիկական։ Մոնիտորինգի արդյունքում առավել շատ բարելավված թե՛ տեխնիկապես, թե՛ բովանդակության տեսանկյունից ճանաչվել է ՀՀ տարածքային կառավարման նախարարության կայքը 52% թափանցիկության ցուցանիշով։ Իսկ ամենաբարդը, խճճվածն ու անհարմարը ՀՀ մշակույթի նախարարության կայքը՝ 19,62%-ով։ «1-ին փուլի արդյունքներում ամենահագեցածը բովանդակությամբ և տեխնիկապես ՀՀ կապի և տրանսպորտի նախարարության կայքն էր, սակայն 2-րդ փուլից հետո բոլոր կայքերում նկատվեցին զգալի բարելավումներ և առաջատարը փոխվեց։ 1-ին փուլից հետց մենք քննարկումներ և սեմինարներ ենք անցկացրել մարմինների ներկայացուցիչների հետ, առաջարկել ուսումնասիրել մեր չափորոշիչները։ 1-ին փուլում կային անգամ այնպիսի պետական մարմիններ, որոնք չունեին կայքեր»,-ասաց Աշոտ Մելիքյանը և հավելեց, որ չնայաց 2-րդ փուլից հետո գրանցված բարելավումներին՝ 100%-ով ոչ մի մարմնի կայք չի բարելավվել։ «Մշակույթի նախարարության կայքը բովանդակությամբ և տեխնիկապես թերի է, խառն է, ոչ տրամաբանական էջերով՝ մեկը մյուսին հաջորդող։ Կարող է մի քանի էջ իրար հետևից այցելես, բայց այդպես էլ չգտնես անհրաժեշտ ինֆորմացիան»,-նշեց Օլգա Սաֆարյանը։ Մարզպետարանների կայքերի ցուցակում 2-րդ փուլի արդյունքում առաջատարն է Կոտայքի մարզպետարանի կայքը՝ 36,94% թափանցիկության ցուցանիշով։ Դե իսկ խոսելով ՀՀ նախագահի, Ազգային Ժողովի, Կառավարության, Սահմանադրական դատարանի և դատախազության կայքերի մասին, Աշոտ Մելիքյանը ցավով նշեց, որ 2-րդ փուլում այս կայքերը ոչ թե բարեալավվել են, այլ վարկանիշային անկում ապրել։ Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |