Կարեն Վրթանեսյան. Ադրբեջանցիները հաճախ են խախտում Facebook-ի կանոնները22 դեկտեմբերի 2011 - 13:23 AMT PanARMENIAN.Net - ԽՍՀՄ նախկին երկրներից ամենաակտիվը Facebook-ում հարավկովկասյան տարածաշրջանի 3 երկրներն են։ Իսկ ադրբեջանցիներն ամենաակտիվն են և հաճախակի խախտում են Facebook-ի կանոնները։ Այս մասին այսօր լրագրողներին հայտնեցին տեղեկատվական անվտանգության փորձագետ Սամվել Մարտիրոսյանը և քարոզչական ոլորտի փորձագետ Կարեն Վրթանեսյանը։«Օրինակ ադրբեջանցիները տեղադրում են դիակի նկար կամ մարդասպանի էջը կարող է ունենալ 30-40 000 like: Հայաստան-Ադրբեջան տեղեկատվական պայքարը տեղափոխվում է Facebook: Ադրբեջանցիները հաճախ կարողանում են բողոքել և բողոքների քանակի հաշվին փակել հայկական էջեր կամ խմբեր»,-նշեց Կարեն Վրթանեսյանը և ավելացրեց, որ այդ պայքարի մի մասը տեղափոխվում է նաև մամուլ։ Նրա կարծիքով, նախկինում հայկական մամուլը հաճախ էր վերցնում նյութեր ադրբեջանական մամուլից, ապա այդ «սովորույթը» դադարեց, սակայն վերջերս կրկին նկատվում է նման միտում. «Կամ դաշտում անփորձ նորեկ լրագրողներ են լինում, կամ էլ լրատվամիջոցները մրցակցային պայքարի պատճառով չեն ստուգում նյութերը»։ Ըստ Սամվել Մարտիրոսյանի, Հայաստանում սկսել են ձևավորվել ոչ ֆորմալ newsmaker-ներ։ «Սա լավ է, քանի որ սկսում է տարածվել հանրային լրագրությունը, որի ամենավառ օրինակը բնապահպաններ-ակտիվիստներն են։ Մեկը ինչ-որ բան տեսնում, լսում է, նկարում է, գրում, ապա տեղադրում է համացանցում։ Իսկ լրատվամիջոցներն էլ դրանք արդեն օգտագործում են»,-նշեց նա և հավելեց, որ մյուս կողմից էլ բացասական է։ Սամվել Մարտիրոսյանի խոսքով, կան լրագրողներ, որոնք չեն տարբերակում Facebook-ի իրենց ընկերների հանրային գրառումները ոչ հանրայիններից և հրապարակում են այնպիսի գրառումներ, որոնք տեսանելի էին միայն որոշ մարդկանց համար։ Ըստ Սամվել Մարտիրոսյանի, հանրային լրագրությունը նորություն է Հայաստանի համար, սակայն տարածված է ողջ աշխարհում: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |