ԱՄՆ Սենատը հետաձգել է SOPA և PIPA օրինագծերի քվեարկությունը20 հունվարի 2012 - 20:37 AMT PanARMENIAN.Net - ԱՄՆ Սենատում SOPA օրինագծի քվերակությունը հետաձգվել է։ Այս որոշումը հունվարի 20-ին կայացրել է Կոնգրեսի վերին պալատի դեմոկրատական մեծամասնության ղեկավար Գարի Ռիդը։ Իսկ հունվարի 24-ին Սենատի անդամները պետք է քվեարկեին SOPA օրինագծի «նմանակ» PIPA օրինագծի ընդունման վերաբերյալ։ Այս քվերակությունը նույնպես հետաձգվել է կապված հասարակության մեջ սկիզբ առած քննարկումների և բողոքների հետ։ Գարի Ռիդին այս քննարկումը հետաձգելու որոշմանը դրդել է հանրապետական փոքրամասնության ղեկավար Միտչ Մակոնելը։ Ավելի վաղ հանրապետականներից ԱՄՆ նախագահության բոլոր 4 թեկնածուները SOPA օրինագծին դեմ էին հանդես եկել։ Այս ամենի հետ մեկտեղ Գարի Ռիդը նշել է, որ պիրատային ռեսուրսների պատճառով Ամերիկայի տնտեսությունը տարեկան կորցնում է միլիարդավոր դոլարներ, իսկ հազարավոր մարդիկ զրկվում են աշխատանքից։ Հունվարի 18-ին Wikipedia-ն դադարեցրել էր իր աշխատանքը՝ ի նշան բողոքի ԱՄՆ Կոնգրեսի կողմից մշակված SOPA օրինագիծի դեմ։ Այդ օրը Wikipedia-ում գրանցվել է 162 միլիոն այցելություն։ Google-ը հավաքել է 7 միլիոն ստորագրություն ընդդեմ օրինագծի։ Mozilla-ն այս շարժման արդյունքում 360 000 էլնամակ է ուղարկվել սենատորներին և Կոնգրեսի անդամներին, 40 միլիոն Firefox օգտագործող հայտնել է իր բողոքը։ 1,8 միլիոն մարդ այցելել է mozilla.org/sopa էջն տեղեկանալու օրինագծի մասին։ Այս օրինագծի դեմ դուրս են եկել Wikipedia-ն, Google-ը, Yahoo!-ն, eBay-ը, Facebook-ը և այլ ինտերնետ ընկերություններ։ Ընդդեմ SOPA օրինագիծի ելույթ են ունեցել Facebook-ի հիմնադիր Մարկ Ցուկերբերգը, Reddit-ի համահիմնադիր Ալեքսիս Օհանյանը։ SOPA օրինագիծը ենթադրում է կոշտ միջոցների կիրառում պիրատային ռեսուրսների դեմ, որը պարտավորեցնում է ինտերնետ ընկերություններին չհամագործակցել վերջիններիս հետ կառավարության կամ հեղինակային իրավունքը կրողների պահանջով։ Հունվարի 18-ին ԱՄՆ Սենատի 8 օրենսդիրներ ետ կանգնեցին իրենց իսկ մշակած օրինագծից։ Հունվարի 24-ին Սենատը պետք է քննարկեր SOPA-ի նման մեկ այլ՝ PIPA օրինագծի քննարկումը։ Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |