  Փորձագետ. Նախիջևանում Իրանի, Թուրքիայի, Ադրբեջանի ԱԳ նախարարների հանդիպումն արձանագրային բնույթ է կրել 10 մարտի 2012 - 13:09 AMT PanARMENIAN.Net - Իրանի, Թուրքիայի և Ադրբեջանի ԱԳՆ ղեկավարների՝ Նախիջևանում կայացած հանդիպման ժամանակ ամրագրվել է այն, որ այդ երկրների տարածքները չեն օգտագործվելու միմյան դեմ՝ թշնամական գործողություններ իրականացնելու նպատակով: Այդ մասին Երևանում մամլո ասուլիսում հայտարարել է իրանագետ Ռուդիկ Յալարյանը՝ մեկնաբանելով վերոհիշյալ երկրների ԱԳՆ ղեկավարների հայտարարությունը: Նրան խոսքով, նախարարների հանդիպումը նպատակ ուներ մեղմացնել երեք երկրների միջև լարված հարաբերությունները: Այդ առումով նա նշել է, որ հանդիպումն ունեցել է ոչ թե ռազմավարական նպատակներ, այլ, ամենայն հավանականությամբ, կրել է արձանագրային բնույթ: Անդրադառնալով ղարաբաղյան հակամարտության կարգավորմանը՝ Յալարյանը նաև նշել է, որ այդ հարցում Իրանը միշտ առաջարկել է իր միջնորդությունը: Իր հերթին ադրբեջանագետ Սարգիս Ասատրյանը նշել է, որ այդ հանդիպման ընթացքում ԻԻՀ ԱԳ նախարարը հավասարակշռված հայտարարություն է կատարել, ասելով, որ հակամարտությունը պետք է լուծվի միջազգային նորմերի համաձայն: Նրա խոսքով, Նախիջևանում չի ստորագրվել ինչ-որ լուրջ փաստաթուղթ: Միաժամանակ, նա նշել է, որ Կարս-Ախալքալակ-Թբիլիսի-Բաքու և Թավրիզ-Ջուլֆա երկաթուղիների միացման վերաբերյալ երեք երկրների ծրագրի իրականացումն ավելի կուժեղացնի Հայաստանի շրջափակումը: Դրա հետ կապված փորձագետը նշել է, որ դրանից խուսափելու համար Հայաստանը պետք է ակտիվացնի և իրականացնի Իրան-Հայատան երկաթուղու շինարարության ծրագիրը: Իրանի, Թուրքիայի և Ադրբեջանի ԱԳՆ ղեկավարների հանդիպման արդյունքում ստորագրվել է «Նաիջևանյան հայտարարություն»: Փաստաթղթում կողմերը հաստատել են ղարաբաղյան հակամարտության շուտափույթ կարգավորման անհրաժեշտությունը «ինքնավարության, տարածքային ամբողջականության և միջազգային մակարդակում ճանաչված պետությունների սահմանները հարգելու սկզբունքների հիման վրա»: Ընդհանրապես, երեք ԱԳՆ ղեկավարների կարծիքով, Կովկասը պետք է դառնա խաղաղության և բարգավաճման տարածաշրջան: Երեք երկրների ԱԳ նախարարների նախիջևանյան հայտարարությունում ամրագրվել է այն, որ այդ երկրների տարածքը չի օգտագործվի միմյանց դեմ:   Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Վերջին լուրեր Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում  Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետըՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներինՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ |
