  Արման Մելիքյան. Բացառված չէ, որ Օբաման իր ելույթում կարտասանի «ցեղասպանություն» տերմինը 16 մարտի 2010 - 14:21 AMT PanARMENIAN.Net - Բացառված չէ, որ այդ տարի ապրիլի 24-ին ԱՄՆ հայկական համայնքին ուղղված ելույթում նախագահ Բարաք Օբաման կարտասանի «ցեղասպանություն» տերմինը: Այդ մասին Երեւանում մամլո ասուլիսի ժամանակ հայտարարել է ԼՂՀ նախկին ԱԳՆ ղեկավար Արման Մելիքյանը: «Օբաման ավելի շուտ կարտասանի «ցեղասպանություն» բառը, քան ԱՄՆ Կոնգրեսը կճանաչի Հայոց ցեղասպանությունը»,-ասել է Մելիքյանը, ավելացնելով, որ ի տարբերություն Կոնգրեսի որոշման, ԱՄՆ նախագահի հայտարարությունն իրավաբանական ուժ չունի: Միաժամանակ նա նշեց, որ ԱՄՆ-ն իր գործողություններով կարող է ավելի սրել իրավիճակը, որը Հայաստանին ոչ մի օգուտ չի տա: «ԱՄՆ գործողությունների ուղղակի հետեւանքը կլինի ռուս-թուրքական հարաբերությունների խորացումը, ինչը կարող է ռազմավարական բնույթ ստանալ: Դա բացասական ազդեցություն է ունենալու մեր շահերի վրա ղարաբաղյան հակամարտությունում»,- ասել է Մելիքյանը: Միաժամանակ նա նշեց, որ եթե Ռուսաստանը փորձի ստիպել Հայաստանին եւ Թուրքիային վավերացնել հայ-թուրքական Արձանագրությունները, ապա Հայաստանը շատ հնարավորություններ կկորցնի հայ-թուրքական գործընթացում: «Արձանագրությունների վավերացումն այն իրավիճակն է ստեղծում, որը ստեղծվել էր Կարսի պայամագիրը ստորագրելու ժամանակ»,- նշել է Մելիքյանը, ավելացնելով, որ որքան էլ հայկական կողմն ասի, որ Արձանագրությունները ոչ մի կապ չունեն Կարսի պայմանագրի հետ, դա այդպես չէ: «Ավելին, ես մտավախություն ունեմ, որ Հայաստանի իշխանությունները թուրքական կողմից շուտ կվավերացնեն Արձանագրությունները, որպեսզի ցուցյ տան միջազգային հանրությանը, որ իրենք կատարում են տված խոստումները»,- հայտարարել է Արման Մելիքյանը: Միաժամանակ նա նշեց, որ Թուրքիան կվավերացնի Արձանագրություններն այն ժամանակ, երբ նրան հարմար լինի:    Հայ-թուրքական հարաբերությունների կարգավորման մասին Արձանագրություններ Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին:  Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Սյուժե Վերջին լուրեր Երևանի ոստիկանապետ. Սովորական ծառայություն է, մեծաթիվ չէ  Ազատության հրապարակ տանող հատվածներում արգելապատնեշներ են դրված, հարակից փողոցները փակ ենԽաչատուրյանը և ՎԶԵԲ նախագահը քննարկել են ՀՀ կապիտալի շուկայի զարգացումը, ենթակառուցվածքների ֆինանսավորումը Կողմերը երկուստեք բարձր են գնահատել համատեղ իրականացվող ծրագրերըԲՏԱ նախարարն ու Նուբար Աֆեյանը խոսել են ներդրումային հիմնադրամ ստեղծելու հայեցակարգի մասին Նուբար Աֆեյանն ընդգծել է Հայաստանի զարգացմանն ուղղված ծրագրերի կարևորությունըԶախարովա․ Արևմուտքն անդադար խոսում է Վրաստանի ցույցերից՝ անտեսելով ՀՀ–ի ակցիաները Նա խոսել է Հայաստանում ցուցարարների զանգվածային բերման ենթարկելու դեպքերի մասին Արևմուտքի «մեռելային լռության» մասին |
