  ՀՀԿ. Ադրբեջանը պետք է դուրս բերի զորքերը իր կողմից բռնակցված Շահումյանի ու Գետաշենի տարածքներից 18 մայիսի 2010 - 21:14 AMT PanARMENIAN.Net - Թուրք-ադրբեջանական տանդեմի` ի դեմս Թուրքիայի վարչապետի ու Ադրբեջանի սուլթանի պաշտոնը հորից ժառանգած Իլհամ Ալիևի հայտարարություններն այն մասին, որ Հայաստանը պետք է որոշակի տարածքային զիջումների գնա ղարաբաղյան կարգավորման հարցում, անհեթեթ են: Այդ մասին ՀՀ ԱԺ նիստում հայտնեց Հայաստանի Հանրապետական կուսակցության (ՀՀԿ) խմբակցության քարտուղար Էդուարդ Շարմազանովը: Շարմազանովի խոսքով, նման հայտարարությունները խոսում են այն մասին, որ թուրքական քաղաքական վերնախավի «ուղեղներում» գերակշռում է պանթուրքիզմի և նեո-օսմանիզմի գափարախոսությունը: «Ավելի ճիշտ կլինի, եթե թուրքական կողմը նման հայտարարություններ կատարելու փոխարեն զբաղվի իր ներքին խնդիրներով ու առաջին հերթին դուրս բերի զորքերը Կիպրոսից, որի տարածքի 38%-ն ավելի քան 35 տարի շարունակ օկուպացված է Թուրքիայի կողմից»,- ընդգծեց նա: Անդրադառնալով Ադրբեջանի նախագահի հայտարարությանը այսպես կոչված «օկուպացված» տարածքներից հայկական զորքերի դուրսբերման մասին` ՀՀԿ խմբակցության քարտուղարն Իլհամ Ալիևին հիշեցրեց, որ ԼՂՀ-ն երբեք չի եղել և չի լինելու Ադրբեջանի կազմում: «Ղարաբաղյան հիմնախնդրի խաղաղ կարգավորման համար ադրբեջանական կողմն առաջին հերթին պետք է դուրս բերի զորքերը իր կողմից բռնակցված Շահումյանի ու Գետաշենի տարածքներից և պայմաններ ստեղծի հայ փախստականների վերադարձի համար»,- նկատեց պատգամավորը: Նա ավելացրեց նաև, որ ներկա պահին ի դեմս Արցախի միջազգային հանրությունը գործ ունի մի պետության հետ, որը հավատարիմ է ժողովրդավարության, ինքնության ու ազատության իդեալներին, որը պաշտպանում է իր խաղաղ գոյությունը:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր ՀՀ լեռնային մարզերում մինչև -1․․․-2 աստիճան ցուրտ է սպասվում  Մայիսի 9-ին սպասվում է առանց տեղումների եղանակԹաթոյանը միացել է Բագրատ սրբազանի առաջնորդած շարժմանը Նա նշել է, որ իրականացվող սահմանազատումը միջազգային որևէ պահանջի չի համապատասխանումIDBank-ի աջակցության նոր ծրագիրը՝ ուղղված բռնի տեղահանված արցախցիներին. «Քո կողքին» Ծրագրում ներառվել են այն ընտանիքները, որոնք ունեն երեք և ավելի երեխաՓաշինյան․ Ալմաթիի հռչակագիրը խաղաղության պայմանագրում ներառելու հարցը կքննարկվի մայիսի 10-ին Վարչապետին հացրել են, թե ինչո՞ւ Բաքուն չի համաձայնում Ալմաթիի հռչակագիրը ներառել նաև խաղաղության պայմանագրում |
