 Սամվել Նիկոյան. Ադրբեջանը ձգտում է որքան հնարավոր է շատ բանաձևեր կորզել միջազգային ատյաններից  7 սեպտեմբերի 2010 - 18:08 AMTPanARMENIAN.Net - ՄԱԿ-ի ԳՎ-ում ներկայացնելով Ղարաբաղի վերաբերյալ բանաձևը` Ադրբեջանը նպատակ ունի որքան հնարավոր է շատ բանաձևեր կորզել միջազգային ատյաններից, քանի որ դա նրա պայքարի մեթոդներից մեկն է: Այդ մասին լրագրողների հետ հանդիպմանը հայտարարել է ՀՀ խորհրդարանի փոխխոսնակ Սամվել Նիկոյանը: Ըստ Նիկոյանի, այդ ուղղությամբ ադրբեջանական կողմը հսկայական ռեսուրսներ է ծախսում: «Իր հերթին, հայկական կողմը հստակ պայքարում է Ադրբեջանի նման բանաձևերի ընդունման դեմ: Սակայն մեր գործը բարդանում է, երբ ադրբեջանական կողմն օգտագործում է ԻԿԿ երկրների ռեսուրները»,- ասել է Նիկոյանը: Ինչպես նշել է փոխխոսնակը, ղարաբաղյան կարգավորման գլխավոր ձևաչափը ԵԱՀԿ ՄԽ-ն է և միջնորդների կարծիքը: «Իսկ ԵԱՀԿ ՄԽ շրջանակներում ընդունված փաստաթղթում նշվում է ազգերի ինքնորոշման իրավունքը, որի իրականացման համար էլ մենք պայքարում ենք»,- ասել է Նիկոյանը: Պատասխանելով PanARMENIAN.Net ի թղթակցի այն հարցին, թե ինչու Հայաստանը ՄԱԿ-ի ԳՎ-ում չի դնում Ադրբեջանի դեմ ուղղված բանաձև` Նիկոյանը նշել է, որ հայկական կողմն աշխատում է միջնորդ երկրների հետ և հավատարիմ է կարգավորման ձևաչափին: «Կարծում եմ, իմաստ չունի ժամանակ ու ռեսուրսներ ծախսել ՄԱԿ-ում Ադրբեջանի դեմ բանաձևեր ներկայացնելու վրա, քանի որ դրանք պարտադիր չեն կատարման համար»,- ասել է Նիկոյանը:   Ուշագրավ Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել   Ամենաընթերցվողը բաժնում |  Սյուժե Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
