 Արմեն Գևորգյանը հայտարարել է, որ Հայաստանի ՏԻՄ համակարգը կայացել է  1 նոյեմբերի 2011 - 12:36 AMTPanARMENIAN.Net - Վերջին տարիներին Հայաստանին հաջողվել է զգալիորեն բարձրացնել բյուջետային վարչարարությունը տեղական ինքնակառավարման մարմիններում։ Այդ մասին նոյեմբերի 1-ին Երևանում հայտարարել է տարածքային կառավարման նախարար Արմեն Գևորգյանը՝ ելույթ ունենալով «Տեղական ինքնակառավարումը Հայաստանում. ձեռքբերումները, հիմնախնդիրները, հեռանկարները» խորհրդաժողովում։ Հանրապետությունում ՏԻՄ ստեղծման 15-ամյակին նվիրված համաժողովի կազմակերպիչներն են տարածքային կառավարման նախարարութունը, Հայաստանի համայնքների ֆինանսիստների միությունը, USAID-ն։ Գևորգյանը փաստել է, որ «Հայաստանի ՏԻՄ համակարգը կայացել է»։ Մասնավորապես, նրա խոսքով, նախարարության առջև խնդիր է դրված ունենալ կենսունակ, խոշոր, կայուն տեղական ինքնակառավարման մարմիններ, որոնք կաշխատեն թափանցիկ և արդյունավետ, իսկ բնակչությունը կկարողանա օպերատիվ լուծել իր խնդիրները։ Ինչպես հայտնել է նախարարը, 2011-ի հունվարի 1-ի դրությամբ 2008-ի հունվարի համեմատ ՏԻՄ սեփական եկամուտներն ավելացել են 6,5 մլրդ դրամով։ Դրա հետ կապված նա նշել է, որ դա թույլ է տվել համայնքներին սեփական միջոցների հաշվին ավելացնել կապիտալ ծախսերը։ «Առանց Երևանը հաշվի առնելու 2009-ին սեփական միջոցների հաշվին կատարվել են 6 մլրդ դրամի կապիտալ ծախսեր, իսկ 2010-ին այդ ցուցանիշը կազմել է 8 մլրդ դրամ»,- ասել է նա։ Բացի դրանից, ՏԿ նախարարությանը հաջողվել է կրճատել աշխատավարձերի և սոցիալական վճարումների պարտքը 2008-ի հունվարի 2,3 մլրդ դրամից մինչև ներկայիս 380 մլն դրամ։  Ուշագրավ Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել   Ամենաընթերցվողը բաժնում |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
