Հայաստանի հունահռոմեական ու ազատ ոճի ըմբշամարտի հավաքականները պատրաստվում են վարկանիշային մրցաշարի 5 մայիսի 2010 - 19:18 AMT PanARMENIAN.Net - Հայաստանի հունահռոմեական ու ազատ ոճի ըմբշամարտի հավաքականները պատրաստվում են վարկանիշային մրցաշարի, որը տեղի կունենա մայիսի 19-23-ը Լեհաստանի Պոզնան քաղաքում: Ըմբիշները կպայքարեն Սինգապուրի օլիմպիական խաղերի ուղեգրերի համար: Հայաստանի ազատ ոճի ըմբշամարտի ավագ մարզիչ Էդուարդ Թունյանցը հաղորդել է PanARMENIAN.Net ի թղթակցին, որ ըմբիշները սկսել են պատրաստվել մրցաշարին ապրիլի 15-ից: «Առաջին հավաքը տեղի ունեցավ Աբովյանում և ավարտվեց ապրիլի 27-ին: Այժմ մարզիկները հանգստանում են: Մայիսի 8-9 Վանաձորում նրանք կմասնակցեն մարշալ Բաղրամյանի անվան մրցաշարին, որը նվիրված է Հայրենական մեծ պատերազմին»,-ասել է մարզիչը: Ըստ ավագ մարզիչ Գագիկ Խաչատրյանի, նրանք սկսել են նախապատրաստվել 2010 թ. փետրվարից: «Մոսկվայում մենք մասնակցեցինք միջազգային մրցաշարի, որտեղ Ալբերտ Վարդանյանը (42 կգ ք/կ) գրավեց առաջին տեղը: Մյուս 5 մասնակիցները բարձր տեղեր չգրավեցին, սակայն լավ մենամարտեր անցկացրեցին»,-ասել է Խաչատրյանը: Վերջին հավաքը տեղի կունենա Երևանում մայիսի 8-19-ը: Մրցաշարին կմասնակցեն հունահռոմեական ոճի 4 և ազատ ոճի 5 ըմբիշ: Հունահռոմեական ոճ` Ալբերտ Վարդանյան (42կգ ք/կ), Ռուդիկ Մկրտչյան (50 կգ ք/կ), Ասատուր Արշակյան (69կգ ք/կ) և Վարոս Պետրոսյան (85կգ ք/կ): Հավաքականի գլխավոր մարզիչն է Գագիկ Խաչատրյանը: Ազատ ոճի ըմբշամարտ. Արտակ Հովհաննիսյան (46կգ ք/կ), Գոռ Գրիգորյան (54կգ ք/կ), Սամվել Պետրոսյան (63 կգ ք/կ), Գևորոգ Համբարձումյան (76 կգ ք/կ), Համլետ Աբրահամյան (120կգ ք/կ): Ավագ մարզիչն է Էդուարդ Թունյանցը: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Միրզոյանը պաշտոնական այցով կայցելի Հունգարիա Նա հանդիպումներ կունենա Հունգարիայի բարձրաստիճան պաշտոնյաների հետ Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին |