ԱՄՆ-ն հուսով է, որ կստանա Թբիլիսի աջակցությունը Իրանի դեմ ռազմական արշավում20 փետրվարի 2006 - 19:53 AMT PanARMENIAN.Net - ԱՄՆ-ն հուսով է, որ կկարողանա օգտագործել Վրաստանի օդանավակայանները եւ ռազմակայանները Իրանին հարված հասցնելու համար: Ինչպես գրում է The Jerwusalem Post պարբերականը, վկայակոչելով Վրաստանի արտգործնախարարության մի բարձրաստիճան պաշտոնյաի, Վաշինգտոնի պաշտոնական ներկայացուցիչներն արդեն դիմել են հանրապետության ղեկավարությանը, խնդրելով քննարկել Վրաստանի տարածքում ամերիկյան զորքեր տեղակայելու հնարավորությունը: Ավելի վաղ Վրաստանի կառավարության ներկայացուցիչները հայտարարել են, որ Թբիլիսիում մտավախություն է առաջացնում Թեհրանի համապատասխան արձագանքն այն հնարավություանը, որ ամերիկացիները կարող են օգտագործել վրացական տարածքը ներխուժումը Իրան նախապատրաստելու համար: Սակայն, նշում է պարբերականը, հանրապետության իշխանությունները խոստովանում են, որ չեն կարող արմատապես մերժել ԱՄՆ-ի նման նախաձեռնությունը, քանի որ Նահանգները Վրաստանի ռազմավարական գործընկերն են եւ ցուցաբերում են նրան ինչպես քաղաքական, այնպես էլ ֆինանսական օգնություն: Թբիլիսիում գտնում են, որ ԱՄՆ աջակցությունը Իրանի դեմ արշավում կարող է հուզումներ առաջացնել բուն Վրաստանում, որտեղ բազում մահմեդականներ են բնակվում, որոնց կարող է դուր չգալ վրաց զինծառայողների մասնակցությունը ռազմական գործողություններին Իրանում: Ռազմական համագործակցությունը ԱՄՆ-ի հետ հնարավոր հակաիրանական գործողության դեպքում, լրջորեն կբարդացներ նաեւ Թբիլիսիի հարաբերությունները Մոսկվայի հետ, որոնք առանց այդ էլ բավականին լարվել են վերջին ժամանակներս, նշում է թերթը: Վրաստանի Ռազմավարական եւ միջազգային հետազոտությունների հիմնադրամի ղեկավար Տիմուր Յակոբիշվիլին հաղորդել է, ոչ Սպիտակ տունը դեռեւս պաշտոնական հարցում չի արել Իրանի դեմ ԱՄՆ հնարավոր ռազմական գործողության ժամանակ աջակցելու վերաբերյալ: Նրա կարծիքով, վրաց ղեկավարությունը կարող է աջակցել ամերիկացիներին միայն այն դեպքում, եթե Իրանը «որեւէ վրդովեցուցիչ բան անի Վրաստանի հանդեպ»: Յակոբիշվիլին գտնում է, որ Վրաստանը, հավանաբար, կօգտագործվի ոչ թե որպես հարթակ Իրան ներխուժելու համար, այլ որպես տարանցիկ բազա ԱՄՆ ՌՕՈՒ-ի ստորաբաժանումների համար: Հիշեցնենք, որ ավելի վաղ նույն իսրայելական պարբերականը հաղորդագրություն էր հրապարակել, ըստ որի Իրանի դեմ գործողություններ սկսելու հարցում ԱՄՆ-ն ստացել է ադրբեջանական իշխանությունների աջակցությունը: Թերթը մեջբերել է «Բաքվում ամերիկացի ներկայացուցիչներին», որոնք գտնում են, թե Ադրբեջանը կարող է աջակցել ԱՄՆ-ին Իրանի ռեժիմը տապալելու գործում: Ըստ իրեն չանվանած ամերիկացի դիվանագետի, էթնիկ ադրբեջանցիները, որոնք բնակվում են Իրանում, կարող են գլխավորել պետական հեղաշրջումն այդ երկրում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |