Թուրքիայում կասեցվել է բուհերում հիջաբի կրումը արտոնող օրենքի կատարումը13 մարտի 2008 - 14:19 AMT PanARMENIAN.Net - Թուրքիայի Պետական խորհուրդն այսօր կասեցրել է նոր օրենքի կատարումը, որով թույլ է տրվում հիջաբ կրել երկրի բուհերում: Այդպիսով գերագույն վարչական դատարանը առաջին իրական խոչընդոտը դրեց օրենքը կյանքի կոչելու ճանապարհին, որը վերջերս ստորագրել էր Թուրքիայի նախագահ Աբդուլլահ Գյուլը, հաղորդում է «Էխո Մոսկվի» ռադիոկայանը: Թուրքիայի աշխարհիկ պետությունում հիջաբներ կրելու հարցը ամենասուր հարցերից մեկն է: Ընթացիկ տարվա փետրվարին երկրի նախագահ Աբդուլլահ Գյուլը մի օրենք է հաստատել, որն ընդունվել էր խորհրդարանում իշխող իսլամամետ Արդարության եւ զարգացման կուսակցության նախաձեռնությամբ: Դրանից հետո Թուրքիայի Բարձրագույն կրթության խորհրդի ղեկավարը հրահանգ էր տարածել բոլոր բուհերում, որտեղ ասվում էր, որ համալսարանները պետք է թույլ տան ուսանողուհիներին գլխաշոր կրել ուսման ընթացքում: Օրենքին կտրականապես դեմ է ընդդիմությունը: Տառացիորեն օրենքի ընդունումից մի քանի օր անց թուրքական ընդդիմության ներկայացուցիչները Թուրքիայի Սահմանադրական դատարան դիմեցին հայցով` պահանջելով չեղյալ հայտարարել այն: Ընդդիմադիր պատգամավորները համոզված են, որ հիջաբ կրելու արգելքի հանումը անուղղելի վնաս կհասցնի աշխարհիկ ռեժիմին եւ հասարակության իսլամացման սկիզբ կհանդիսանա: Մարտի 12-ին Պետխորհուրդը սատարել է ընդդիմությանը: Ըստ դատավորների եւ աշխարհիկ ռեժիմի կողմնակիցների, Բարձրագույն կրթության խորհուրդը գերազանցել է իր պարտականությունները, թույլ տալով հիջաբ կրել: Հարկ է նշել, որ օրենքի կասեցումով գործը կարող է չսահմանափակվել: Թուրքիայի ՍԴ-ն մոտ օրերս կքննի օրենքը չեղյալ հայտարարելու վերաբերյալ հայցը: Շուրջ 80 տարի գործող օրենսդրությունն արգելում է ուսանողներին եւ դասախոսներին հիջաբ կրել բուհում: Այդ արգելքը ժամանակակից Թուրքիայի հիմնադիր եւ առաջին նախագահ Քեմալ Աթաթուրքի կարեւորագույն քաղաքական սկզբունքներից մեկն է, որը բաժանում է կրոնը կրթության որորտից: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Փոխնախարար. Տավուշում ծառայում են սահմանապահները՝ 3-րդ բանակային կորպուսն իր խնդիրներն ունի Նա նշել է, որ դա սահմանապահ զորքերի հսկողության գոտի է Գալուզին․ ՌԴ դեսպանը շուտով կվերադառնա Երևան Նա նշել է, որ մտադիր չեն նվազեցնել ՀՀ հետ դիվանագիտական հարաբերությունների մակարդակը Ադրբեջանագետ․ Ադրբեջանը և Թուրքիան շարժվելու են Սյունիքով արտատարածքային միջանցք պոկելու տրամաբանությամբ Նա նշել է, որ ՀՀ իշխանական խոսնակներն էլ սկսել են հեքիաթներ պատմել, որ ՀՀ-ի և Ադրբեջանի վարձած ընկերությունը անվտանգային ուղեկցում կանի Առաջարկ․ ՀՀ–ում ամուսնության տարիքային նվազագույն շեմը սահմանել 18 տարեկանը՝ առանց բացառությունների Առաջարկը ներկայացրել է Ռուստամ Բաքոյանը |