Սերբիան դիմել է ՄԱԿ-ի ԱԽ` խնդրելով քննարկել իրավիճակը Կոսովոյում19 մարտի 2008 - 14:16 AMT PanARMENIAN.Net - Սերբիան դիմել է ՄԱԿ-ի Անվտանգության խորհրդին` խնդրելով քննարկել իրավիճակը Կոսովսկա-Միտրովիցայում, որտեղ վերջին օրերին ընդհարումներ եղան Կոսովոյի անկախությունը չճանաչող կոսովցի սերբերի եւ ՄԱԿ-ի ոստիկանական ուժերի ու KFOR-ի զինծառայողների միջեւ: Այդ մասին ասվում է Սերբիայի ԱԳՆ ղեկավար Վուկ Երեմիչի ԱԽ նախագահի, ՄԱԿ-ում ՌԴ մշտական ներկայացուցիչ Վիտալի Չուրկինի հղած նամակում: Վուկ Երեմիչը գնահատել է ՄԱԿ-ի ոստիկանների եւ ՄԱԿ-ի միջազգային ուժերի զինծառայողների` KFOR գործողությունները որպես «ուժի չարաշահում եւ Կոսովոյում միջազգային անվտանգության ուժերի ներկայության մանդատի խախտում»: «ՄԱԿ-ի կողմից լիազորված անձնակազմի այդ չհիմնավորված եւ անընդունելի գործողությունների արդյունքում լարվածությունը Կոսովոյւմ աճել է»,-ընդգծել է նախարարը: Նրա կարծիքով, Կոսովոյում ՄԱԿ-ի առաքելության սխալը կարող է առաջացնել այլ սխալներ եւ ավարտվել երկրամասում իրադարձությունների անվերահսկելի զարգացմամբ: Կոսովսկա-Միտրովիցայում դատարանի գործադուլ անող աշխատակիցների դեմ ուժի կիրառման մասին հրամանը տրվել է Կոսովոյում սերբերի դեմ ալբանացիների կողմից իրականացված զանգվածային բռնադատումների չորրորդ տարելիցի օրը: «Կոսովսկա-Միտրովիցայում սերբերին ցրելու ժամանակը կասկածի տակ է դնում Կոսովոյում ՄԱԿ-ի առաքելության բարի մտադրությունները: Որքանով մենք հասկանում ենք իրավիճակը, ՄԱԿ-ի ոստիկանության մասնագիտացված ստորաբաժանումները KFOR-ի աջակցությամբ կիրառելով ծանր սպառազինության տեսակներ, գրավեցին դատարանի շենքը, որը գտնվում էր նախկինում այնտեղ աշխատող սերբ աշխատակիցների հսկողության տակ եւ ձերբակալել են ներկաներին` այնուհետեւ տեղափոխելով նրանց Պրիշտինա: Այդ գործողության ժամանակ կիրառվել են մարտական փամփուշտներ, խլացնող նռնակներ եւ արցունքաբեր գազ: Շուրջ 70 մարդ վիրավորվել է»,-ներկայացրել Երեմիչը պաշտոնական Բելգրադի տեսակետը անցած երկուշաբթի Կոսովսկա-Միտրովիցայում կատարվածի վերաբերյալ: Սերբիայի ԱԳՆ ղեկավարը հաղորդել է նաեւ, որ նամակ է հղել ՄԱԿ-ի գլխավոր քարտուղարին, որտեղ Բելգրադը պնդում է, որ Պան Գի Մունը հրահանգի հետաքննություն սկսել Կոսովսկա-Միտրովիցայի իրադարձությունների առնչությամբ: Վ.Երեմիչն ընդգծել է, որ միակողմանի ակցիաները, ինչպես Կոսովոյի անկախության հռչակումը, ոչ մի խնդիր չեն լուծում, այլ նորերն են ստեղծում: Նա կոչ է արել ՄԱԿ-ի գլխավոր քարտուղարին եւ ԱԽ-ին բոլոր անհրաժեշտ միջոցները ձեռնարկել Բելգրադի եւ Պրիշտինայի միջեւ փոխզիջման հասնելու համար` ՄԱԿ-ի ԱԽ 1244 բանաձեւի հիման վրա եւ հավաստիացրել է, որ Սերբիան իր կողմից նույն մոտեցումը կորդեգրի: «Մենք հավատարիմ ենք մնում ազնիվ բանակցություններին եւ համոզված ենք, որ բաց եւ անկեղծ երկխոսությունը մեր ներկայիս դժվարությունները հաղթահարելու եւ մեր հարավային երկրամասում խաղաղությունն ու կայունությունը վերականգնելու միակ ուղին է»,-ասվում է Սերբիայի ԱԳՆ ղեկավարի ՄԱԿ-ի ԱԽ-ի նախագահին ուղղված նամակում, հաղորդում է ՌԻԱ «Նովոստին»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |