Կիպրոսում սկսվում է կղզու հունական եւ թուրքական մասերը բաժանող պատի ապամոնտաժումը24 մարտի 2008 - 12:25 AMT PanARMENIAN.Net - Կիպրոսում սկսվում է կղզու հունական եւ թուրքական մասերը բաժանող պատի ապամոնտաժումը: Պատի հատվածներից մեկը քանդվել է դեռեւս հինգշաբթի օրը` Լեդրա քաղաքում: Պատի ապամոնտաժումը, որը շատերը համեմատում են տխրահռչակ Բեռլինի պատի հետ, հնարավոր դարձավ կղզու հունական եւ թուրքական համայնքների միջեւ երկխոսությունը վերականգնելու վերաբերյալ պայմանավորվածության արդյունքում: Նիկոսիայի կենտրոնական Լեդրա փողոցը մինչ այժմ շարունակում է մնալ 1974 թվականին թուրքական զորքերի ներխուժումից ի վեր կիսված կղզու ողբերգական խորհրդանիշներից մեկը: Առաջին անգամ Լեդրան բաժանվեց հարավային եւ հյուսիսային մասի 1958թ.: 2008թ. մարտի 21-ին կայացած Կիպրոսի նախագահ Դիմիտրիս Խրիստոֆիասի եւ կիպրոսցի թուրքերի առաջնորդ Մեհմեդ Ալի Թալաթի հանդիպման ժամանակ որոշվել է ոչ միայն ապամոնտաժել պատը, այլ նաեւ հսկիչ անցակետ բացել Նիկոսիայում: Դա պետք է նպաստի կղզու միավորման հարցի վերաբերյալ բանակցությունների վերսկսմանը: Հիշեցնենք, որ 2004 թվականին կիպրոսցի թուրքերը հավանություն տվեցին ՄԱԿ-ի առաջարկած միավորման ծրագրին, սակայն կիպրոսցի հույները մերժեցին այն: Ընթացիկ տարվա հունվարին ընտրված կոմունիստ նախագահ Խրիստոֆիասը վճռականորեն է տրամադրված հյուսիսի հետ երկխոսության վերսկսմանը: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | ԱՕԿՍ-ի շենքը վարձով կտրվի ամսական մոտ 15․4 մլն դրամով Մրցույթ կհայտարարվի Սանահին կայարանի հետ հետիոտնային կապը վերականգնվել է Վերակառուցվել է հետիոտնային կամուրջը Cerebrum Intellectus․ Fastex-ը Web3 ինտերակտիվ քննարկումներ է կազմակերպել երեխաների համար «Երազ» այգում տեղի է ունեցել Kids Fest-ը Շրջիկ երաժիշտների գործունեությունը Երևանի փոքր կենտրոնում կարգելվի Երաժիշտներն իրազեկվել են սպասվող փոփոխությունների մասին |