Իսրայելն ավելի շատ, քան մյուս երկրները, բարոյական պարտավորություն ունի ճանաչելու Հայոց ցեղասպանությունը14 փետրվարի 2009 - 14:01 AMT PanARMENIAN.Net - Անկարան ժխտում է մեկուկես միլիոն հայերի մահը, իսկ որոշ թուրք պատմաբաններ գրում են այն մասին, որ Առաջին աշխարհամարտի տարիներին սպանվել է 600 000 մարդ: Այդ մասին գրում է The Jerusalem Post-ի լրագրող Սին Գեննոնը: «Սկսած 1922թ. Լոզանի կոնֆեռանսից պաշտոնական Անկարան ձգտել է զանգվածային սպանությունները որպես «քրիստոնեական քարոզչության» արդյունք ներկայացնել: Հայոց ցեղասպանության ճանաչման քարոզարշավը ուժեղացավ 1965թ. հետո, երբ 50-րդ տարելիցի առիթով ձգտում էին այդ հարցի վրա հրավիրել միջազգային հանրության ուշադրությունը»,- գրում է Գեննոնը:Հոդվածում նշվում է, որ Օսմանյան կայսրությունում հայերը դարձան realpolitik-ի զոհը եւ, չնայած թուրք-իսրայելական հարաբերություններին սպառնող հետեւանքներին եւ Թուրքիայի 25000-անոց հրեական համայնքին, Իսրայելն ավելի շատ, քան մյուս երկրները, բարոյական պարտավորություն ունի 1915թ. հանցագործությունները ցեղասպանություն անվանելու: «Հայտնի իրավաբան Ռաֆայել Լիմկինը, որը 1944թ. շրջանառության մեջ դրեց «ցեղասպանություն» տերմինը, որպես օրինակ օգտագործում էր հայերի ջարդը: 21 երկիր, այդ թվում` Ռուսաստանը, Կանադան եւ Ֆրանսիան, ինչպես նաեւ Եվրոպական խորհրդարանը, Եկեղեցիների համաշխարհային խորհուրդը եւ Ցեղասպանությունների ուսումնասիրման գիտնականների միջազգային ասոցիացիան ճանաչեցին Հայոց ցեղասպանությունը: Գեննոնն ընդգծում է, որ ԱՄՆ նախագահ Բարակ Օբաման, որն իր նախընտրական քարոզարշավի ընթացքում երկու անգամ պարտավորվել է ճանաչել Հայոց ցեղասպանությունը, Ջո Բայդենը, ԱՄՆ պետքարտուղար Հիլարի Քլինթոնը, ԿՀՎ ղեկավար Լեոն Պանետտան Հայոց ցեղասպանության ճանաչման կողմնակիցներ են»: Այդ կապակցությամբ, հեղինակը ընդգծում է, որ իզուր չէ, որ թուրքական Hurriyet թերթը նոր ամերիկյան վարչակազմը բնորոշեց, որպես «ամենահայամետ վարչակազմը ԱՄՆ պատմության մեջ»: «Փաստորեն, ԱՄՆ նախագահ Օբաման կարող է օգտագործել այս տարվա ապրիլի 24-ի ամենամյա հայտարարությունը հայերի սպանությունը գնահատելու համար ցեղասպանություն ճանաչելու համար: Բացի այդ, վերջերս ԱՄՆ առաջատար հրեական լոբբիստական կազմակերպության բարձրաստիճան աշխատակիցն ասել է, որ իսրայելա-թուրքական հարաբերությունների վատթարացումը «Ձուլած արճիճ» գործողության արդյունքում կարող է ամերիկյան հրեամետ կազմակերպություններին դրդել վերանայելու Հայոց ցեղասպանության ճանաչմանը դիմակայելու իրենց դիրքորոշումը»,- ընդգծվում է The Jerusalem Post-ի հոդվածում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |