Հայաստանը շահագրգռված է Եմ հետ քաղաքական եւ տնտեսական համագործակցության զարգացման գործում19 փետրվարի 2009 - 16:54 AMT PanARMENIAN.Net - ՀՀ ազգային անվտանգության խորհրդի քարտուղար, Եվրոպական կառույցների հետ Հայաստանի համագործակցությունը համակարգող միջգերատեսչական հանձնաժողովի նախագահ Արթուր Բաղդասարյանը փետրվարի 19-ին ընդունել է Հարավային Կովկասում Եվրամիության հատուկ ներկայացուցիչ Պիտեր Սեմնեբիին, Եվրահանձնաժողովի առեւտրի գլխավոր տնօրինության երկկողմ առեւտրային հարցերով տնօրեն Եվա Սինովիչին եւ նրանց գլխավորած պատվիրակություններին:Կարեւորելով Եվրամիության պաշտոնյաների բարձր մակարդակի այցերը Հայաստան` Արթուր Բաղդասարյանը համոզմունք է հայտնել, որ ձեռք բերված գործնական պայմանավորվածությունները կնպաստեն Հայաստան-Եվրամիություն հարաբերությունների հետագա զարգացմանը: Զրուցակիցները խոսել են Եվրոպական հարեւանության քաղաքականության շրջանակում իրականացվելիք արեւելյան գործընկերության հայեցակարգի, նոր նախաձեռնության շրջանակում քաղաքական երկխոսության զարգացման, տնտեսական ոլորտում ազատ առեւտրի զարգացմանն ուղղված համաձայնագրի կարեւորության մասին: Եվա Սինովիչը նշել է, որ այս նախաձեռնությունը մի նոր գործիքախումբ է, որը հնարավորություն կտա ավելի զարգացնել թե ԵՄ-ՀՀ, թե բազմակողմ հարաբերությունները: Արթուր Բաղդասարյանը բարձր է գնահատել «Արեւելյան գործընկերություն» նախաձեռնությունը եւ կարեւորել ազատ առեւտրի զարգացման համաձայնագրի կնքումը: Նա նշել է, որ Հայաստանը շահագրգիռ է խթանել քաղաքական եւ տնտեսական համագործակցությունը ԵՄ-ի հետ եւ այս առումով ակնկալում է ԵՄ աջակցությունը, քանզի քաղաքական եւ տնտեսական համագործակցության խորացումը կայունության կարեւոր գործոն է նաեւ տարածաշրջանի համար: Քննարկվել են Հայաստան-Եվրամիություն 2009-2011 թվականների գործողությունների ծրագրին վերաբերող հարցեր: Այս համատեքստում Պիտեր Սեմնեբին կարեւորել է մարդու իրավունքների պաշտպանության ազգային ծրագրի մշակումն ու իրականացումը, հաղորդում է ՀՀ Ազգային անվտանգության խորհրդի մամլո ծառայությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |