ԱՄՆ պետդեպարտամենտը մտահոգված է Ադրբեջանում հանրաքվեի ընթացքով20 մարտի 2009 - 14:38 AMT PanARMENIAN.Net - ԱՄՆ պետդեպարտամենտի ներկայացուցիչ Ամանդա Հարփերը մտահոգություն է հայտնել Ադրբեջանում հանրաքվեի կազմակերպման շտապողականության, հավաքների սահմանափկումների եւ մամուլում նախընտրական բանավեճի լուսաբանման վերաբերյալ: «Նման գործելաոճը սահմանափակում է քաղաքացիների կամքի արտահայտությունը, եւ մենք գիտենք, որ իշխանություններն ու ոստիկանությունը միջամտել են նախընտրական արշավին ու հանրաքվեի գործընթացին»,-հայտարարել է Հարփերը: Ըստ Ամանդա Հարփերի, ԱՄՆ-ն շարունակում է կոչ անել Ադրբեջանի կառավարությանն ամբողջությամբ ապահովել քաղաքացիների հիմնական ազատությունների, ներառյալ խոսքի ազատության, հավաքների ու ասոցիացիաների ազատությունը: Նա նաեւ կոչ է արել երկրի իշխանություններին օպերատիվ կերպով հետաքննել հանրաքվեի գործընթացին իշխանական կառույցների միջամտության մասին տեղեկությունները: Ալիեւի քննադատները մեղադրում են ԱՄՆ-ին ու Եվրոպային Ադրբեջանում ընդդիմության քաղաքական հետապնդումներն անտեսելու համար, ինչը բացատրվում է էներգետիկ պաշարներից զրկվելու մտավախությամբ: Ըստ պաշտոնական տվյալների ընտրողների ակտիվությունը մարտի 18-ի հանրաքվեում բարձր էր` քվեարկել է ձայնի իրավունք ունեցող քաղաքացիների 71 տոկոսը: Այդ թվից, հաղորդել է երկրի ԿԸՀ-ն, 92 տոկոսը «այո» է ասել քվեարկության համար առաջադրված հարցերին: Համարվում է, որ գլխավորը նախագահի պաշտոնը զբաղեցնելու սահմանափակումները վերացնելու հարցն էր: Հանրաքվեի արդյունքները նշանակում են, որ նախագահ Իլհամ Ալիեւը կկարողանա ցմահ մնալ իշխանության մեջ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |