ՀՀ Ազգային ժողովի նախագահ Հովիկ Աբրահամյանն ընդունեց ԵԽԽՎ նախագահին13 մայիսի 2010 - 22:06 AMT PanARMENIAN.Net - Մայիսի 13-ին ՀՀ Ազգային ժողովի նախագահ Հովիկ Աբրահամյանն ընդունեց Եվրոպայի խորհրդի խորհրդարանական վեհաժողովի նախագահ Մևլութ Չավուշօղլուին: Խոսելով ԵԽԽՎ -ում ԼՂ հարցով ենթահանձնաժողով ստեղծելու մասին` Մևլութ Չավուշօղլուն ասաց, թե դա իր նախաձեռնությունը չէ, և այդ հարցը օրակարգում եղել է իրենից առաջ: Այդուհանդերձ, եթե անգամ այդ ենթահանձնաժողովը ստեղծվի, այն չի կարող կրկնօրինակել ԵԱՀԿ Մինսկի խմբի դերը, նման մանդատ չունի: ՀՀ Ազգային ժողովի նախագահը, վերահաստատելով, որ ԼՂ խնդիրը պետք է լուծվի ԵԱՀԿ Մինսկի խմբի շրջանակում, նշեց, որ ցանկացած այլ միջնորդություն կխանգարի գործընթացին: Հովիկ Աբրահամյանի խոսքերով` Հայաստանի համար շատ կարևոր են Լեռնային Ղարաբաղի կարգավիճակի և ԼՂ ժողովրդի անվտանգության հարցերը: Նշելով, որ Հայաստանը ցանկանում է հարևանների հետ ապրել խաղաղ պայմաններում և բոլոր խնդիրները լուծել խաղաղ ճանապարհով` ՀՀ Ազգային ժողովի նախագահը ասել է, որ Հայաստանի ու Թուրքիայի միջև դիվանագիտական հարաբերությունները պետք է հաստատվեն և սահմանները բացվեն առանց նախապայմանների: Մևլութ Չավուշօղլուն ասել է, որ առկա է հարաբերությունները կարգավորելու քաղաքական կամք, բայց պետք է ընդունել նաև դժվարությունների գոյությունը: Նա համոզմունք է հայտնել, որ երկու կողմերն էլ ցանկանում են հաղթահարել այդ դժվարությունները ՀՀ Ազգային ժողովի նախագահը նշել է, որ Հայաստանի և Թուրքիայի միջև հարաբերությունների նորմալացումը բավական բարդ և զգայուն գործընթաց է, և չնայած այն այժմ կասեցված է, Հայաստանը պատրաստ է անդրադառնալ գործընթացին, եթե նկատվեն այդ ուղղությամբ գործուն քայլեր Թուրքիայի կողմից, և այնտեղ արձանագրությունները վավերացվեն: Հանդիպման ընթացքում քննարկվել են երկուստեք հետաքրքրություն ներկայացնող այլ հարցեր ևս, հաղորդում է ՀՀ ԱԺ հասարակայնության և տեղեկատվության միջոցների հետ կապերի վարչությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |