Մայիսի 23-ին Արցախում նշվում է Լրագրողի օրը24 մայիսի 2010 - 14:35 AMT PanARMENIAN.Net - Այսուհետ Արցախում մայիսի 23-ը կնշվի որպես լրագրողի օր: Դա մեկ անգամ ևս վկայում է լրագրողի կարևոր ու դժվարին աշխատանքի հանդեպ մեր հասարակության և իշխանությունների պատշաճ վերաբերմունքի մասին: Այդ մասին ասվում է Լրագրողի օրվան նվիրված Արցախի Հանրապետության նախագահ Բակո Սահակյանի ողջույնի խոսքում: «Դուք միշտ եղել եք հարազատ ժողովրդի հույզերի ու նկրտումների արտահայտիչը: Արցախյան շարժման առաջին իսկ օրերից ձեզնից շատերը լծվեցին հայենիքի պաշտպանության գործին, ոմանք նահատակվեցին այդ պայքարում: Հավերժ հիշատակ նրանց: Մեր ժողովուրդն ընտրել է զարգացման ժողովրդավարական ուղին և հաստատակամորեն կառուցում է մի պետություն, որտեղ գերակա են քաղաքացիների իրավունքներն ու ազատությունները: Իսկ խոսքի ազատությունը մարդու հիմնարար իրավունքներից է, որն ամրագրված է ԼՂՀ Սահմանադրությունում: Այդ իսկ պատճառով մեր իրականության մեջ ավելի է արժևորվում լրագրողի դերը»,- ասել է Բակո Սահակյանը: «Թանկագին լրագրողներ, դուք յուրօրինակ կամուրջ եք հանդիսանում հասարակության ու իշխանությունների միջև: Եվ ուզում եմ վստահ լինել, որ բոլորդ քաջ գիտակցում եք այդ առաքելության ողջ պատասխանատվությունը ու պատվով կկատարեք այն` միշտ հավատարիմ մնալով բարոյականության սկզբունքներին, ունենալով քաղաքացիական բարձր կեցվածք ու մասնագիտական պատրաստվածություն: Անաչառ ու կառուցողական մոտեցումը, սրտացավ վերաբերմունքը հայրենի երկրի ու ժողովրդի հանդեպ, թերացումները վերացնելու և դրականը զարգացնելու ձգտումը պետք է առաջնային լինեն յուրաքանչյուրիդ համար»,- ընդգծել է Արցախի Հանրապետության նախագահը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |