1234...

System Of A Down.

Միակ ուժը, որ կարող է ինչ-որ բան փոխել, մենք ենք

24 ապրիլի 2015
System Of A Down
Ապրիլի 23-ի երեկոյան՝ Հայոց ցեղասպանության զոհերի հիշատակի նախօրեին, Հանրապետության հրապարակում տեղի ունեցավ System Of A Down խմբի Wake Up The Souls համերգային շրջագայության երկար սպասված երևանյան համերգը, որը դեռ երկար կմնա անգերազանցելի թե իր մասշտաբներով, թե ներկաների թվով և թե ամենակուլ էներգետիկայով:

Տիգրան Համասյան.

Եթե աստվածացնենք Կոմիտասի աշխատանքն ու նորը չստեղծենք, այդ երաժշտությունն ուղղակի կմեռնի

19 մարտի 2015
Տիգրան Համասյան
Մարտի 24-ին երևանյան պրեմիերայով կմեկնարկի Տիգրան Համասյանի նոր՝ «Լոյս ի Լուսոյ» նախագիծը՝ 5-ից 20-րդ դարերի հայկական հոգևոր երաժշտության նորովի մեկնաբանությունը նախատեսված դաշնամուրի և երգչախմբի համար։ Երգչախմբի հատվածը կատարում է Երևանի պետական կամերային երգչախումբը Հարություն Թոփիկյանի ղեկավարությամբ: Դրանից հետո Տիգրանը կմեկնի համաշխարհային շրջագայության՝ 100 եկեղեցում հնչեցնելու հայկական հոգևոր երաժշտության իր նոր մշակումները։ PanARMENIAN.Net-ը զրուցել է դաշնակահարի հետ՝ պարզելու ձայնասկավառակի մասին մանրամասները։

Ֆաթիհ Աքին.

Ցանկանալ բավարարել միանգամից բոլորին սխալ է, բայց ես փորձել եմ

16 մարտի 2015
Ֆաթիհ Աքին
Ծագումով թուրք գերմանացի ռեժիսոր Ֆաթիհ Աքինի «Սպի» (The Cut) ֆիլմը պատմում է Հայոց ցեղասպանությունից մազապուրծ եղած հայազգի Նազարեթ Մանուկյանի մասին: Ցեղասպանությունից տարիներ անց նա պատահաբար իմանում է, որ իր զույգ դստրերը, հնարավոր է, նույնպես փրկվել են, և սկսում որոնել նրանց՝ հասնելով մինչև Հյուսիսային Դակոտա: Փետրվարի վերջին «Սպի»-ն մեծ էկրան բարձրացավ նաև Երևանում:

Մարինա Դոմաշենկո, Մայու Կիշիմա.

Խաչատրյանի երաժշտությունը՝ ռուսական ու ճապոնական պրիզմաներով

6 դեկտեմբերի 2014
Մարինա Դոմաշենկո, Մայու Կիշիմա
Դեկտեմբերի 4-ին Արամ Խաչատրյանի անվան 2-րդ միջազգային փառատոնի փակման գալա համերգին համաշխարհային ճանաչում վայելող մեցցո-սոպրանո Մարինա Դոմաշենկոն Երևանում կատարեց կոմպոզիտորի «Ձոն ցնծությանը», իսկ ջութակահար Մայու Կիշիման՝ Արամ Խաչատրյանի Ջութակի կոնցերտը: PanARMENIAN.Net-ը զրուցել է նրանց հետ Խաչատրյանի, փառատոնի, Երևանի և այլնի մասին:

Ալեքսանդր Սլյադնև.

Հայաստանում մեկ օրից հետո սկսում ես հավատալ՝ աշխարհի ամենալավ բաներն այստեղ են ստեղծել

3 դեկտեմբերի 2014
Ալեքսանդր Սլյադնև
Food-լուսանկարիչ Ալեքսանդր Սլյադնևը, որին The British Journal of Photography-ն դասել էր իր ոլորտում 100 լավագույնների շարքին, Food Adventures-ի հիմնադիր Աննա Մազմանյանի հրավերով մեր երկրում էր՝ հայ շեֆ-խոհարարներին ու նրանց ամենահամեղ ուտեստները և բաղադրատոմսերն իր Food & Chef նախագծում ներառելու համար: Նպատակը սոցցանցերի միջոցով աշխարհում հայկական խոհանոցը պրոպագանդելն է, որպեսզի Հայաստանը ճանաչեն նաև որպես գաստրոնոմիական երկիր:

Պյոտր Լովիգին.

Բլոգումս գրում եմ այն, ինչի մասին լավ գիտեմ՝ իմ կյանքի

1 դեկտեմբերի 2014
Պյոտր Լովիգին
Մասնագիտությամբ ճարտարապետ, նախասիրությամբ լուսանկարիչ Պյոտր Լովիգինի բլոգը LiveJournal-ի աշխարհում շատերին է հայտնի: Իր բլոգային աշխարհը Լովիգինը կոչում է Costarica-soul, իսկ պատմում այնտեղ այն մասին, ինչից ամենալավն է հասկանում՝ իր կյանքի: PAN-ը զրուցել է լուսանկարչի հետ ու պարզել, թե ինչու է նա հատուկ ուշադրություն դարձնում իր բլոգի ձևավորմանը, որ երկրներն է հավանում ու ինչու, և ինչ են նշանակում միանգամից աչքի ընկնող նրա բազմաթիվ մատանիները:

Խաչատուր Ալմազյան.

Ուզում եմ Բելուչիի մասնակցությամբ Կուստուրիցայի ֆիլմի երևանյան պրեմիերա կազմակերպել

23 հոկտեմբերի 2014
Խաչատուր Ալմազյան
Սերբ ռեժիսոր Էմիր Կուստուրիցայի On The Milky Road (թարգ.՝ «Ծիր կաթինի ճանապարհին») ֆիլմի սաունդթրեքը, որտեղ գլխավոր դերերում հենց ինքը՝ Կուստուրիցան ու իտալացի դերասանուհի Մոնիկա Բելուչին են, ձայնագրել է Almazian Symphony նվագախումբը, որը ղեկավարում են ջութակահար Խաչատուր Ալմազյանն ու թավջութակահար Թամարա Սավիչը: Almazian Symphony-ի առաջին ձայնասկավառակը ձայնագրվել է 2013-ին՝ Ֆրանսիայում, Sony Music Entertainment-ի ու France TV National-ի հետ գործակցությամբ: PanARMENIAN.Net-ը զրուցել է Խաչատուր Ալմազյանի հետ ու պարզել Էմիր Կուստուրիցայի հետ հերթական համատեղ աշխատանքի մանրամասները:

Շառլ Ազնավուր.

Հպարտ մի եղեք, պարզապես աշխատեք

15 սեպտեմբերի 2014
Շառլ Ազնավուր
Լոս Անջելեսի Greek Theater համերգասրահում սեպտեմբերի 13-ին կայացած համերգով մեկնարկել է աշխարհահռչակ ֆրանսահայ շանսոնյե, Շվեյցարիայում Հայաստանի դեսպան Շառլ Ազնավուրի 3 շոուից բաղկացած շրջագայությունը Հյուսիսային Ամերիկայում: Առաջիկայում սպասվում է ևս երկու համերգ` Մոնրեալում ու Նյու Յորքում: «Ես չափազանց ծեր եմ շրջագայության համար», ասում է նա ու 90 տարեկանում պատրաստվում համերգների նաև Անտվերպենում ու Մոսկվայում, մինչև դեկտեմբերին Փարիզում նոր ձայնասկավառակի ձայնագրման աշխատանքները սկսելը: The Hollywood Reporter-ին Ավինյոնի իր առանձնատանը տված հարցազրույցում մեծն շանսոնյեն խոսել է աշխատանքի, դիվանագիտության, հայ-թուրքական հարաբերությունների, նոր աստղերի, ժամանակակից երաժշտության ու իրական արժեքների մասին:

Աննա Մուգլալիս.

Լագերֆելդը համոզել է ինձ ու ամբողջ աշխարհին, որ գեղեցիկ եմ

5 օգոստոսի 2014
Աննա Մուգլալիս
Թատրոնի ու կինոյի դերասանուհի Աննա Մուգլալիսը ծնվել է Ֆրանսիայի հարավում, հետագայում տեղափոխվել Փարիզ: Հայրը հույն է, մայրը` ֆրանսուհի: Մուգլալիսը հայտնի է` որպես Chanel-ի դեմք, հանրահայտ Կարլ Լագերֆելդի ոգեշնչման աղբյուր և մուսա: Բացի մայրենի ֆրանսերենից ազատ խոսում է անգլերեն, իտալերեն, իսպաներեն, որոշ սահմանափակումներով հասկանում հունարեն: Ամենահայտնի դերը խաղացել է «Կոկո Շանել և Իգոր Ստրավինսկի» ֆիլմում` մարմնավորելով Շանելին: PanARMENIAN.Net-ը զրուցել է նրա հետ հունական արմատների, դերասանուհի դառնալու ճանապարհի, կոշտ ձայնի, Շանելի, Լագերֆելդի, ձեռագործ զարդերի և այլնի մասին, PAN Photo-ն էլ լուսանկարել դերասանուհուն:

Օթար Իոսելիանի.

Այս կյանքում ամեն ինչ վատ է վերջանում․ Ամեն ինչ

24 հուլիսի 2014
Օթար Իոսելիանի
Ռեժիսոր Օթար Իոսելիանին ծնվել է 1934-ին Թբիլիսիում, Մոսկվայի Լոմոնոսովի պետհամալսարանում աստղագիտություն սովորել ու կարող էր դառնալ Վադիմ Աբդրաշիտովի «Մոլորակների շքերթը» ֆիլմի գլխավոր հերոսը, բայց 1965-ին ավարտեց Ռուսաստանի կինեմատոգրաֆիայի պետական ինստիտուտի ռեժիսուրայի բաժինը, ինչից հետո հայրենիքում իր առաջին հայտնի ֆիլմերը նկարահանեց՝ «Տերևաթափը», «Պաստորալը», «Ապրում էր մի երգող կեռնեխ» ։ 1982-ին ֆիլմերի գրաքննության պատճառով մեկնեց Փարիզ, որտեղ էլ ձեռք բերեց մաեստրոյի իր վերջնական կարգավիճակը, որի համար ոչ աշխարհագրությունը, ոչ էլ քաղաքացիությունը նշանակություն չունի։ Այնտեղ էլ մինչև հիմա ապրում է կնոջ ու թոռնուհու հետ։ PAN-ը զրուցել է վրացի ռեժիսորի հետ ամեն ինչից` հուսադրող երիտասարդությունից, չդաստիարակվող հանդիսատեսից ու Փարաջանով-ընկերոջից, և նրանից, որ կյանքում, միևնույն է` ամեն ինչ վատ է վերջանում:
1234...