Ջերմուկ քաղաքը զբոսաշրջության կենտրոնի վերածելու գործում կկիրառվի Վերբիերի մանրակերտը

Ջերմուկը առողջարանային քաղաք է Հայաստանի Վայոց ձորի մարզում: Այն գտնվում է Արփա գետի ափին, Կեչուտի ջրամբարի հարեւանությամբ, Երեւանից 175 կմ հեռավորության վրա: Ջերմուկը խորհրդային տարիներին եղել է հայտնի հանգստավայր: Քաղաքում արտադրվում է «Ջերմուկ» հայտնի հանքային ջուրը: ՀՀ կառավարությունը հավանություն է տվել Ջերմոկը զբոսաշրջության կենտրոն դարձնելու հայեցկարգին, որը կգործի կլոր տարի եւ կհամապատասխանի միջազգային չափանիշներն, ապահովելով շուրջ 100 հազար զբոսաշրջիկի այցելություն տարեկան: Նախատեսվում է զբոսաշրջությունից եկամուտների քանակը հասցնել 100 մլն դոլարի, ինչպես նաեւ ապահովել լրացուցիչ 4 հազար աշխատատեղ: Ծրագրի շրջանակներում նախատեսվում է զարգացնել քաղաքի ենթակառուցվածքները, բարելավել նրա տրանսպորտային համակարգը, ապահովել բարձրորակ Ինտերնետ-կապով, վերածել այն շախմատի մրցաշարերի անցկացման վայրի: