ՀԱԿ-ի հանրահավաքը «քարոզչական չէր». ընտրացուցակներ, թեկնածուներ, նախընտրական կարգախոսներ 30 մարտի 2012 - 21:35 AMT PanARMENIAN.Net - Այսօր` մարտին 30-ին, Ազատության հրապարակում կայացել է Հայ ազգային կոնգրես (ՀԱԿ) ընդդիմադիր բլոկի հանրահավաքը: 18:20-ին մեկնարկած հանրահավաքին, Ոստիկանության տվյալների համաձայն, 4800 մարդ էր եկել: Հանրահավաքը թեև նմանվում էր նախընտրական միջոցառման, սակայն տեղեկատվական, այլ ոչ թե ագիտացիոն բնույթ էր կրում: Սա քարոզչական հանրահավաք չէ Այս հանրահավաքը, ի տարբերություն նախորդների, որոնց սկզբում ելույթ էր ունենում «Հայկական ժամանակ» թերթի գլխավոր խմբագիր Նիկոլ Փաշինյանը, բացել է Հայոց համազգային շարժման վարչության նախագահ Արամ Մանուկյանը: Նա նշել է, որ Հայաստանը մտել է նախընտրական փուլ, որը «լարված և աննախադեպ է լինելու»: Ըստ նրա, դեռևս երբեք Հայաստանում այնպես չի եղել, որ խորհրդարանական ընտրությունները նախագահականի նախադրայլ հանդիսանային. «Հայաստանում դեռևս երբեք իշխանափոխության նման անհրաժեշտություն չի եղել»: Մանուկյանի խոսքով, ներկայումս ժողովուրդը բաժանվել է 2 մասի` մի մասը պայքարում է իր իրավունքների համար, մյուսը`հիաստափվելով, լքում է երկիրը: «Մեր նպատակն է ոչ միայն քաղաքական հաղթանակը, այլ նաև այնպիսի Հայաստանի ստեղծումը, որը մեկնածներին կվերադարձնի Հայաստան»,-ընդգծել է նա: Մանուկյանն ընդգծել է, որ սա պրոպագանդա հետապնդող հանրահավաք չէ, քանի որ մինչև ապրիլի 8-ը պրոպագանդան արգելվում է, սա «սա տեղեկատվական հանրահավաք է»: Հիմա Արամ Մանուկյանը ներկայացնում է ՀԱԿ-ի թեկնածուներին, ովքեր մեծամասնական համակարգով են մասնակցում ընտրություններին: Նիկոլ Փաշինյանն իշխանություններին աճպարար է համարում Արամ Մանուկյանից հետո ելույթ է ունեցել Նիկոլ Փաշինյանը, ով իշխանությունը համեմատել է աճպարարների հետ, ովքեր «սև ցիլինդրներում մկանը վերածում են թմբուկի, իսկ հետո պնդում են, որ մուկը դարձել է թմբուկ»: Բացի դրանից, Փաշինյանն ուշադրություն է դարձրել նրան, որ ՀՀԿ-ն հավաստիացրել է, թե նրա ցուցակում չեն լինի ձեռնակատերեր և մականուններով մարդիկ, իսկ հետո սկսել է ընթերցել պատգամավորների այն թեկնածուների անունները, ովքեր մտել են ՀՀԿ ընտրացուցակ կամ ում որ օժանդակելու է իշխող կուսակցությունը մեծամասնական ընտրատարածքներում: Փաշինյանը նաև դիմել է թիվ 7 ընտրատարածքում իր հակառակորդ Սամվել Ալեքսանյանին, նշելով, որ եթե վերջինն այդքան ժամանակ մասնակցել է խորհրդարանական աշխատանքին, բայց շատ է բացակայել, ապա դա կասկածելու տեղիք է տալիս: Միաժամանակ, նրա տեղեկություններով, Ալեքսանյանը ներկայացրել է բժշկական տեղեկանք, ինչը, Փաշինյանի կարծիքով, նշանակում է, որ նա հիվանդ է վտանգավոր խրոնիկ հիվանդությամբ և հեգնանքով նշել, որ «հաղթելով ես հնարավորություն կտամ Ալեքսանյանին բուժվել «հիվանդությունից»: Նա նաև հայտարարել է, որ եթե «հասարակական, քաղաքական, իսկ երբեմն նույնիսկ պետական գործիչը, ինչպիսին ներկայացնում է Սամվել Ալեքսանյանին Սերժ Սարգսյանը, վախենում է տեսախցիկներից և այդ պատճառով չի ցանկանում մասնակցել հեռուստաբանավեճերի, ապա նա Ալեքսանյանին բանավեճի կհրավիրի թիվ 7 ընտրատարածքի բակերում»: ՀԱԿ-ի 4000 վստահված անձ կպայքարի արդար հանուն արդար ընտրությունների «Այսօր մենք նոր պայքար ենք սկսում նոր Հայաստանի համար»,- հայտարարել է ընդդիմադիր Հայ ազգային կոնգրեսի համակարգող, ՀԱԿ ընտրական շտաբի ղեկավար Լևոն Զուրաբյանը՝ այսօր ելույթ ունենալով Ազատության հրապարակում: Իր ելույթում նա ներկայացրել է ծրագիրը, թե ինչպես է ՀԱԿ-ը պայքարելու խորհրդարանական ընտրություններում: Նրա խոսքով, ՀԱԿ-ն ունի 4000 վստահված անձինք, յուրաքանչյուր ընտրատարածքում՝ 2-ական հոգի, որոնցից մեկը ներկայացնելու է ՀԱԿ ցուցակը, մյուսը՝ մեծամասնական թեկնածուին: Խաչատուր Սուքիասյանը շնորհակալ է ժողովրդին աջակցության համար Զուրաբյանից հետո կրկին ելույթ է ունեցել Արամ Մանուկյանը, ով նշել է քաղաքական պայքարի մեջ ժողովրդի ներգրավման անհրաժեշտությունը: «Անտարբեր քաղաքացիներ չպետք է լինեն»,- ընդգծել է նա: Մանուկյանն անդրադարձել է նաև 10-րդ ընտրատարածքում Խաչատուր Սուքիասյանին գրանցելուց իշխանությունների հրաժարվելուն: Նրա խոսքով` որքան իշխանությունները ոչ խելամիտ քաղաքականություն են վարում, այնքան մեծ ատելություն են առաջացնում ժողովրդի մեջ, որը սիրում և հարգում է Սուքիասյանին: Խաչատուր Սուքիասյանն իր հերթին հանրահավաքի ժամանակ շնորհակալություն է հայտնել ժողովրդին այն աջակցության համար, որը իրեն ցուցաբերել են վերջին տարիներին` ընդգծելով, որ նրան միշտ ընդունել է որպես սեփական ընտանիք: Նա ընդգծել է, որ թեև իրեն չգրանցեցին, ինքը կգործադրի իր բոլոր ուժերը երկրին անհրաժեշտ բարեփոխումների իրականացման համար: Հայաստանի ճակատագիրը կախված է «չարաբաստիկ ընտրացուցակներից» Հանրահավաքի վերջում, ինչպես միշտ, ելույթ է ունեցել ՀԱԿ-ի ղեկավար, Հայաստանի առաջին նախագահ Լևոն Տեր-Պետրոսյանը, ով իր խոսքում ցուցարարների ուշադրությունը հրավիրել է ընտրացուցակների հարցին: «Բոլոր ընտրությունները և անգամ Հայաստանի ճակատագիրը կախված է չարաբաստիկ ընտրացուցակներից, որոնց մեջ ընգդրկված է անգամ ոչ թե 500, այլ 700 հազ. (ավելորդ` խմբ.) մարդ»,- հայտնել է նա: Նա հեգնանքով է նկատել, որ 2008թ. համեմատ ընտրացուցակներում ավելացնելով 175 հազ. մարդ` ոստիկանության պետ Վլադիմիր Գասպարյանը, հավանաբար, ցանկանում էր ցույց տալ Սերժ Սարգսյանին, որ ինքն ավելի հմուտ է այդ հարցում, քան իրեն նախորդած Ալիկ Սարգսյանը: Տեր-Պետրոսյանն ընդգծել է, որ անգամ կաշառակերությունն ու բռնությունն ընտրությունների ժամանակ չեն օգնում իշխանություններին, և նրանց միակ հույսը մնում են ընտրացուցակները: Այս կապակցությամբ նա լրագրողներին, քաղաքագետներին և քաղաքական կուսակցություններին, ում մտահոգում է արդարությունն առաջիկա ընտրություններում, կոչ է արել պայքարել այն բանի համար, որպեսզի ցուցակները շտկվեն և որպեսզի ընտրություններից հետո հրապարակվեն քվեարկածների ցուցակները: Նա նկատել է, որ իր նախագահության օրոք այդ ցուցակները հրապարակվում էին, սակայն հետո իշխանությունը` Ռոբերտ Քոչարյանի գլխավորությամբ վերացրեց դա: Լևոն Տեր-Պետրոսյանը լրագրողներին կոչ է արել օտարերկրյա դեսպանների մոտ մշտապես բարձրացնել ընտրացուցակների հարցը, «ռմբակոծել նրանց այդ հարցով»` հավելելով, որ ինքը վաղը ԵԱՀԿ/ԺՄԻԲ ղեկավարի հետ հանդիպմանը բարձրացնելու է այդ հարցը. «Եվ եթե այդ հարցը չլուծվի, ապա միջազգային դիտորդներն ու դեսպանությունները ընտրությունների կեղծման մասնակիցը կդառնան»,- ընդգծել է ՀԱԿ-ի ղեկավարը: ՀԱԿ. «Ոչ մի ձայն հանցավոր ռեժիմին» Հայ ազգային կոնգրեսն ընտրությունների կգնա «Ոչ մի ձայն հանցավոր ռեժիմին» կարգախոսով: Իր խոսքում Տեր-Պետրոսյանը ներկայացրել է ՀԱԿ-ի նախընտրական ծրագրի հիմնական դրույթները, ինչպես նաև այն ծանր սոցիալ-տնտեսական իրադրությունը, որում այսօր գտնվում է երկիրը: «Եթե հասարակությունը չի գիտակցում իրադրության ողջ ծանրությունը և 5000 դրամի դիմաց պատրաստ է վաճառել իր ձայնը, ապա հայրենի երկրի փլուզման հանցակիցը կդառնա և իրավունք չի ունենա մեղադրելու որևէ մեկին, բացի իրենից»,- ասել է Տեր-Պետրոսյանը: Նա նշել է, որ ընտրություններում հաղթանակի կամ խորհրդարանում ուժերի բարենպաստ դասավորության դեպքում կպայքարի իր նախընտրական ծրագրի դրույթների իրականացման համար: Հակառակ դեպքում, նրա խոսքով, ՀԱԿ-ը սկզբունքորեն կքվեարկի բոլոր օրինագծերի դեմ, որոնցում հաշվի չեն առնի իր դիտողությունները կամ առաջարկները: Հաջորդ հանրահավաք... coming soon Տեր-Պետրոսյանի խոսքի ավարտից հետո Արամ Մանուկյանը հավաքվածներին հայտնել է, որ հաջորդ հանրահավաքի կոնկրետ ամսաթվի մասին կհաղորդվի լրացուցիչ: Դրանից հետո ցուցարարները մեկնարկել են ավանդական երթը Երևանի կենտրոնական փողոցներով: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը |