ԿԽՄԿ-Ինջիղուլյան վերջին հանդիպումից 16 օր է անցել. Նորություններ դեռ չկան (թարմացված) 18 սեպտեմբերի 2013 - 16:06 AMT PanARMENIAN.Net - Ադրբեջանում գերեվարված ՀՀ ժամկետային զինծառայող Հակոբ Ինջիղուլյանի Հայաստան վերադարձնելու գործընթացի հիմնական խոչընդոտը Ադրբեջանի հետ պետական կապի բացակայությունն է: Այս մասին այսօր մամուլի ասուլիսին ասել է ՀՀ պաշտպանության նախարար Սեյրան Օհանյանը՝ նշելով, որ գործընթացը դանդախում է, քանի որ բանակցություններն ընթանում են միջազգային կազմակերպությունների հետ գործակցությամբ, գրում է Tert.am-ը: «Այսօր էլ մենք պայքարում ենք, որպեսզի նա վերադառնա Հայաստան. թե ինչպիսի իրավիճակ կլինի, ժամանակի ընթացքում կերևա»,- ասել է նախարարը: Նախարարը նաև ևս մեկ անգամ հիշեցրել է, որ Հայաստան վերադառնալուց հետո Հակոբ Ինջիղուլյանի նկատմամբ իրավական հետապնդում չի լինի: «Պատկերացնում եմ, թե այնտեղ ինչ ճնշումների է նա ենթարկվում, և ինչ ճնշումների արդյունքում է ադրբեջանական հեռուստատեսությամբ ասել այդ քննադատական խոսքերը մեր բանակի մասին: Նրա ծնողներն էլ ասում են, որ երբեք ոչ մի դժգոհություն չեն լսել որդուց»,- Սեյրան Օհանյանի խոսքերն է մեջբերում «Առավոտ»-ը: Ինչպես PanARMENIAN.Net ին ավելի ուշ տեղեկացրեց ԿԽՄԿ հայաստանյան պատվիրակության հաղորդակցման ծրագրերի պատասխանատու Աշոտ Աստաբացյանը, այս փուլում Կարմիր Խաչը որևէ նոր տեղեկություն դեռևս չունի. «Եթե ինչ-որ նոր բան լինի, կտեղեկացնենք: Մեր աշխատանքային գործընթացն ընթացքի մեջ է ու կրում է կոնֆիդենցիալ բնույթ»,- եզրափակեց Աստաբացյանը: Երեկոյան Trend-ը տեղեկացրեց, որ Ինջիղուլյանը «դիմում է գրել, որտեղ խնդրում է իրեն երրորդ երկիր տեղափոխել». «Դիմումն արդեն նախարարների կաբինետում է: Ինչքան գիտեմ, այդ դիմումը Ինջիղուլյանի մյուս փաստաթղթերի հետ միասին պետք է ուղարկվի ՄԱԿ-ի գլխավոր Գերագույն հանձնակատարի Բաքվի ներկայացուցչություն: Նրանք պետք է դիմեն եվրոպական կամ այլ պետությունների: Որ երկիրը նրան ընդունելու համաձայնություն տա, այնտեղ էլ նրան կուղարկեն: Մինչ այդ գերին կմնա Ադրբեջանում»,- ասել է Ադրբեջանի Ռազմագերիների, պատանդների և անհայտ կորածների պետհանձնաժողովի քարտուղար Շահին Սաիլովը: Նշենք, որ Հակոբ Ինջիղուլյանի ու Կարմիր խաչի Բաքվի գրասենյակի ներկայացուցիչների վերջին հանդիպումից արդեն 16 օր է անցել (այն սեպտեմբերի 2-ին էր), որից հետո որևէ նորություն գերեվարված զինծառայողի մասին չեն փոխանցել: Վերջին հանդիպման ընթացքում գերին ու նրա ընտանիքը միմյանց մասին տեղեկություններ էին ստացել: Օգոստոսի 8-ի գիշերը ծառայության ժամանակ ԼՂՀ ՊԲ շարքային, 1991թ. ծնված, Հակոբ Ինջիղուլյանը, ըստ նախնական տվյալների` չկողմնորոշվելով տեղանքում, հատել է ղարաբաղա-ադրբեջանական շփման գիծն ու հայտնվել է ադրբեջանական ԶՈւ կողմից վերահսկվող տարածքում: Մի քանի օրից ադրբեջանական ռեսուրսներում հայտնվեց հայ զինծառայողի Ադրբեջանի ANS ալիքին «հարցազրույցի» տեսագրությունը, որտեղ նա իբր պատմում է, թե ինչպես է «անցել ադրբեջանական կողմ»: Ավելի ուշ հայտնվեց երկրորդ «հարցազրույցը», որտեղ հայ գերեվարված զինվորը հայտարարել էր, իբր չի ցանկանում վերադառնալ Հայաստան ու երրորդ երկիր մեկնելու ցանկություն հայտնել: Հայկական կողմը բազմիցս հայտարարել է, որ Ինջիղուլյանի «հարցազրույցները» տրված են ճնշման ներքո և կոչ արել ԿԽՄԿ-ին բոլոր ջանքերը գործադրել նրան շուտափույթ հայրենիք վերադարձնելու համար, որտեղ ռազմագերու հանդեպ քրեական հետապնդում չի իրականացվի՝ իր գործողություններում հանցակազմի բացակայության պատճառով: Ի դեպ, նախկինում ևս ադրբեջանական գերությունից վերադարձած Հայաստանի ոչ մի քաղաքացի քրեական հետապնդման չի ենթարկվել: Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Մատվիենկոն՝ Սիմոնյանի ելույթի մասին․ Չենք կարող անուշադրության մատնել նման հակառուսական հայտարարությունները Կարասինն ասել է, որ սխալ կլիներ անտեսել ելույթը, որը «համերշախություն է հայտնում Կիևի նացիստական ռեժիմի հետ» Բայդեն․ Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը»,–ասել է նա Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է Փայլան. Ապրում ենք այնպիսի Թուրքիայում, ինչպիսին կլիներ Գերմանիան, եթե այնտեղ լինեին Հիտլերի անունով փողոցներ ու դպրոցներ Նա նաև հարգանքի տուրք է մատուցել այն եզակի պաշտոնյաներին, որոնք չեն կատարել ցեղասպանության վերաբերյալ որոշումը |