2014-ի առաջին եռամսյակում ՀՀ-ից մեկնողների թիվը նվազել է 5,3 հազարով 2013-ի նույն շրջանի համեմատ 6 մայիսի 2014 - 15:04 AMT PanARMENIAN.Net - 2014 թ. առաջին եռամսյակում բացասական միգրացիոն սալդոն Հայաստանում կազմել է 31,8 հազար մարդ նախորդ տարվա նույն ժամանակահատվածի 37,1 հազարի դիմաց, հայտնել է Պետական միգրացիոն ծառայության պետ Գագիկ Եգանյանը: «Բացասական սալդոն նվազել է 5,3 հազարով, սակայն նման կարճ ժամանակահատվածի համար պատճառներ նշելը բարդ կլինի»,-ասել է Եգանյանը «Օրինական միգրացիա» և «Միգրացիան ու զարգացումը» թեմայով աշխատաժողովի ժամանակ: Ըստ նրա, որոշակի ազդեցություն այդ գործընթացների վրա ունեցավ նաև Ռուսաստանի միգրացիոն քաղաքականության խստացումը: «Ըստ փորձագիտական գնահատականների, զգալիորեն կրճատվել է հայ աշխատանքային միգրանտների հոսքը Ռուսաստան, քանի որ մենք 40 հազար անձանց ցուցակ ենք ստացել, ում համար մուտքը Ռուսաստան արգելված է: Հնարավոր է, հետագայում այդ ցուցակը ընդլայնվի: Բնականաբար, դա կազդի ՌԴ-ից դրամական փոխանցումների ծավալի վրա»,-ասել է Եգանյանը: Իր հերթին Միգրացիոն քաղաքականության զարգացման միջազգային կենտրոնի (ICMPD) ներկայացուցիչ Ալեքսանդր Մալեևը նշեց, որ 2014 թվականին աշխատանքային միգրացիան կաճի հատկապես բալկանյան ու ԱՊՀ երկրներում: «Միգրացիայի պատճառներն ամբողջ աշխարհում նույնն են. ցածր աշխատավարձ, կարիերային աճի սահմանափակ հնարավորություններ, աղքատություն, աշխատանքի բացակայություն, սոցիալական ապահովության ցածր մակարդակ»,-ասել է նա, հայտնում է ԱՌԿԱ գործակալությունը: Երկօրյա աշխատանքային կոնֆերանսին մասնակցում են փորձագետներ Հայաստանից, Բելառուսից, Ղրղզստանից, Վրաստանից, Ուկրաինայից, Հունգարիայից: Խորհրդաժողովի բացմանը ներկա է եղել Հայաստանում Եվրամիության պատվիրակության ղեկավար Տրայան Հրիսթեան: 2014 թվականի սկզբին Հայաստանի Ազգային վիճակագրական ծառայությունը տվյալներ հրապարակեց Հայաստան ժամանած և Հայաստանից մեկնած անձանց մասին: Ըստ ծառայության, 2013 թվականին Հայաստան է ժամանել 1 մլն 452 հազար 85 ՀՀ քաղաքացի, մեկնել է 1 մլն 494 հազար 86 մարդ: Համապատասխանաբար, բացասական սալդոն կազմել է 42 հազար 1 մարդ: Այդ ցուցանիշը 7 հազար 659-ով պակաս է 2012 թվականի նույն ցուցանիշից: Ըստ ծառայության, 2014 թվականի հունվարի 1-ի դրությամբ Հայաստանում մշտապես բնակվող անձանց քանակը կազմել է 3 մլն 17 հազար 400 մարդ՝ 9 հազար 500 պակաս 2013 թ. հունվարի 1-ի ցուցանիշից, երբ Հայաստանում մշտապես բնակվել է 3 մլն 26 հազար 900 մարդ: 2013 թվականին Հայաստանում ծնվել է 41 հազար 770 երեխա, ինչը պակաս է 2012 թվականի ցուցանիշից 1,7 տոկոսով: Մահացել է 27 հազար 165 մարդ, ինչը պակաս է անցյալ տարվա ցուցանիշից 1,6 տոկոսով: Այդպիսով, բնական աճը 2013-ին կազմել է 14 հազար 605: Ազգային վիճակագրական ծառայությունը հրապարակել է 2013-ի դեկտմբերի 31-ի դրությամբ Հայաստանը լքած ՀՀ քաղաքացիների թիվը` 42 հազար 1 մարդ: Առաջին հայացքից ոչ այնքան դրական թվացող այս թիվն իրականում վկայում է, որ անցած տարվա հոկտեմբեր-դեկտեմբեր ամիսներին Հայաստան է վերադարձել 80 հազար 190 Հայաստանի քաղաքացի, քանի որ նույն վիճակագրական ծառայության տվյալներով` 2013-ի հունվար-սեպտեմբերին երկրից դուրս եկած ու չվերադարձած ՀՀ քաղաքացիների թիվը 122 հազար 191 էր: Կարելի է ենթադրել, որ այդ 80 հազար 190 ՀՀ քաղաքացիները, այն տղամարդիկ (արդեն նաև կանայք) են, որոնք ժամանակավոր աշխատանքի էին մեկնել այլ երկիր` հիմնականում Ռուսաստան, ու վերադարձել են Հայաստան` ընտանիքի հետ նոր տարին դիմավորելու: Նրանք, ըստ ամենայնի, կրկին մեկնելու են: 2013-ին էլ Հայաստանի մշտական բնակչության թիվը կրճատվել է` 3 մլն 26 հազարից դառնալով 3 մլն 17 հազար, մինչդեռ, դեռևս 2011-ի հոկտեմբերին, երբ անցկացվում էր Մարդահամար 2011-ը, երկրի առկա բնակչությունը 2,8 մլն էր: Այսպիսով, 2013-ն էլ համալրում է Միգրացիոն պետական ծառայության` սահմանահատումների բացասական սալդո արձանագրած տարիների ցանկը: Ու, ըստ այդմ` 2007-2013 թվականներին, այսինքն` վերջին 7 տարիներին Հայաստանից մեկնած ու չվերադարձածների թիվը հասել է 270 հազար 300 մարդու: Վերջին մարդահամարն անցկացվել է 2011 թ. հոկտեմբերին: Նախապատրաստումն ու տվյալների ամփոփումը 5 տարի պահանջեց՝ 2009-2013 թթ.: Մարդահամարի համար ծախսվել է 2,5 մլրդ դրամ, որից կեսը տրամադրել էր ՀՀ կառավարությունը, իսկ երկրորդ կեսը՝ ՄԱԿ-ը, ՀԲ-ն ու մի շարք եվրոպական կազմակերպություններ: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա Վաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն |