Հայկական հաղթանակները շարունակական են, իսկ ԼՂ հակամարտությունը լուծելու է Ղարաբաղի ժողովուրդը28 մայիսի 2015 - 15:41 AMT PanARMENIAN.Net - Հայկական հաղթանակները, հերոսությունները այսօր էլ կան և արտահայտվում են առաջին գծում մեր զինվորների հերոսություններով, հայտարարել է մայիսյան հաղթանակների առթիվ Սարդարապատի հուշահամալիր այցելած պաշտպանության նախարար Սեյրան Օհանյանը `անդրադառնալով օրվա խորհրդին: Այսօր` մայիսի 28-ին երկրի բարձրագույն իշխանությունը, այդ թվում ՀՀ նախագահ Սերժ Սարգսյանը, ինչպես նաև Ամենայն Հայոց կաթողիկոս Գարեգին Երկրորդը Սարդարապատի հուշահամալիրում էին` Առաջին Հանրապետության 97-րդ տարեդարձի, Սարդարապատի հերոսամարտում տարած հաղթանակի առթիվ: Նրանք ծաղկեպսակ դրեցին Սարդարապատի ճակատամարտի հերոսների հիշատակը հավերժացնող հուշակոթողի մոտ: «Չէի ասի, թե վերջին ժամանակներս հաղթանակներ չենք ունեցել: Վերջին հաղթանակները, որոնք ունեցել ենք Արցախյան ազատամարտից հետո շարունակական են, քանի որ այսօր առաջին գծում մեր զինվորը ամեն օր հերոսություն է կատարում` հաստատակամ, ըմբոստ հայացքով նայում է դեպի առաջ և հետևում մեր ժողովրդի խաղաղ արարումին»,- ասաց Սեյրան Օհանյանը: Անդրադառնալով ՀՀ քաղաքացու կյանքին, որ դժվարին սոցիալական պայմաններում գտնվելով է ապրում, ՀՀ պաշտպանության նախարարը նկատեց. «Մեր ժողովրդի համար երբևէ հեշտ կյանք չի եղել, միշտ դժվարություններ քաշել են, մենք դժվար պայքարում են ստեղծել: Եվ այդ առումով հերոս է մեր ամբողջ ժողովուրդը», հայտնում է Tert. am-ը: Իսկ հայոց պատմության լավագույն հերոսական էջերը` Ղարաքիլիսա, Բաշ-Ապարան, և այլն ունեն նաև նորագույն էջեր` Շուշիի ազատագրում և Ղարաբաղյան ազատամարտ: Սա, ըստ Սեյրան Օհանյանի, եղել է միայն շնորհիվ նվիրումի, գաղափարական պատրաստակամության, հայրենասիրության վսեմ հատկանիշների, ի փառս Հայաստանի և ի փառս Արցախի: ԼՂՀ պաշտպանության բանակի հրամանատար Մովսես Հակոբյանը Սարդարապատի հուշահամալիրում լրագրողների հետ զրույցում ասաց, որ Լեռնային Ղարաբաղի հակամարտությունը լուծելու է Ղարաբաղի ժողովուրդը, որը մեկ անգամ արդեն ապացուցել է որևէ մեկը չի կարող լուծել այն։ «Ղարաբաղի ժողովրդին ամեն ինչ հետաքրքրում է և համապատասխան հետևություններ կատարում է, և պետք է հասկանալ, որ Ղարաբաղի ժողովրդին պետք չէ որևէ բան պարտադրել»,-ասաց նա և նշեց, որ հիմա սահմանի վիճակը հանգիստ է: Ինչ վերաբերում է Հայաստանի Առաջին Հանրապետության ստեղծման օրվան և դրա և օրվա խորհրդին՝ նա ասաց, թե հպարտ է, որ այս ճակատամարտը եղել է, որը նաև հետագա մեր հաղթանակների նախադրյալն է դարձել: «Կարծում եմ, որ Սարդարապատով մեր ժողովուրդն ապացուցել է, որ եթե պայքարում ես, ապա կարող ես հաղթել»,-ասաց նա։ Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Կայացել է «Բադալյան եղբայրներ» ընկերությունների խմբի մեջ մտնող ֆինանսական կազմակերպությունների տարեկան ժողովը Հայաստանում «Ֆասթ Բանկ» ՓԲԸ վարկային պորտֆելն ավելացել է60 տոկոսով Վարչապետը գերմանական Fichtner–ի պատվիրակության հետ քննարկել է վերականգնվող էներգետիկայի զարգացումը ՀՀ–ում Այցը Երևան տեղի է ունենում Մյունխենում կայացած հանդիպման արդյունքներով Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |