  Ռուսական բեռնատար ինքնաթիռ է կործանվել Հարավային Սուդանում. Զոհերի թիվը կարող է 40-ի հասնել 4 նոյեմբերի 2015 - 14:09 AMT PanARMENIAN.Net - Հարավային Սուդանում կործանվել է ռուսական ԱՆ-12 բեռնատար ինքնաթիռը: Ինչպես հայտնում է Reuters-ը, ինքնաթիռը աղետի է ենթարկվել Ջուբայի օդանավակայանից մեկնելուց որոշ ժամանակ անց: Ականատեսները պնդում են, որ ինքնաթիռը կործանվել է օդանավակայանից մոտ 800 մ հեռավորության վրա: Ըստ նախնական տեղեկությունների, 2 մարդ ողջ է մնացել, որոնցից մեկը երեխա է: Հակառակ սկզբնական տեղեկություններին, որ ինքնաթիռում եղել է անձնակազմի 5 անդամ ու 7 ուղևոր, ականատեսները հայտնում են, որ կործանման վայրում մոտ 40 դի կա, հայտնում է CA-News-ը: Դեռևս պարզ չէ, թե որքան մարդ է եղել օդանավում: Ավելի ուշ ԶԼՄ-ները, Հարավային Սուդանի նախագահի ներկայացուցչի վրա հղումով հայտնել են, որ ինքնաթիռում կարող էր մինչև 20 ուղևոր լինել, հայտնում է «Ֆոնտանկան»: Մինչդեռ, ըստ ՏԱՍՍ-ի, Հարավային Սուդանի նախագահի ներկայացուցիչ Ատենի Ուեկը հայտնել է, որ աղետի հետևանքով 41 մարդ է զոհվել: Նա հաստատել է, որ 2 ողջ մնացած կա` անձանկազմի անդամը և մի երեխա: Օդանավակայանի ներկայացուցիչները հայտնել են, որ ինքնաթիռը ուղևորվում էր Վերին Նեղոս գավառ: Պաշտոնական ներկայացուցիչները դեռ չեն մենկաբանում պատահարը: Ըստ նախնական տվյալների, թռիչքից հետո անձանկազմը որոշել է վերադառնալ չնախատեսված վայրէջքի համար, գրում է «Մոսկովսկի կոմսոմոլեցը»: Հայտնվում է նաև, որ ինքնաթիռը, հավանաբար, կոշտ վայրէջք է կատարել Ջուբայի օդանավակայանից դուրս գալուց հետո: Ան-12-ը ռուսական արտադրության բեռնատր ինքնաթիռ է, այն շահագործվում է 1959-ից: Հետագայում ստեղծվել են ինքնաթիռի բազմաթիվ մոդիֆիկացիաներ։ Ան-12-ը կարող է փոխադրել մինչև 90 մարդ կամ 21 տոննա բեռ։ Ինքնաթիռի թռիչքի առավելագույն արագությունը 660 կմ/ժ է։ Մեկ լիցքավորմամբ ինքնաթիռը կարող է անցնել մինչև 5 500 կմ: Հղումներ թեմայով.   Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական   Ամենաընթերցվողը բաժնում |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
