Սվիտալսկի. ԵՄ-ն ամեն տարի 50 միլիոն եվրո է ծախսում ի շահ ՀՀ քաղաքացիների 9 փետրվարի 2016 - 13:37 AMT PanARMENIAN.Net - Հայաստանն ու Եվրամիությունը, որոնք իրավական նոր բազայի շուրջ բանակցություններ են վարում, թևակոխել են հարաբերությունների կառուցողական փուլ: Այս մասին հայտարարել է Հայաստանում Եվրամիության պատվիրակության ղեկավար, արտակարգ և լիազոր դեսպան Պյոտր Սվիտալսկին՝ «Հայաստան-ԵՄ բանակցությունների նոր փուլ. խնդիրներ և հեռանկարներ» թեմայով քննարկմանը, հայտնում է Tert.am-ը: Նա նշել է, որ ԵՄ-ն գտնվում է այն ելման կետում, որը հնարավորություն է ընձեռում լինել և՛ եվրասիական ինտեգրման նախագծում ու ՀԱՊԿ անդամության պայմանագրում, և՛ միևնույն ժամանակ բարիդրացիական հարաբերություններ ունենալ ԵՄ-ի հետ, որը Հայաստանի համար խոշորագույն դոնոր է: «Մենք ամեն տարի 50 միլիոն եվրո ենք ծախսում ի շահ ՀՀ քաղաքացիների, մենք արտաքին առևտրի խոշոր գործընկերն ու խոշորագույն ներդրողն ենք, օժանդակում ենք ՀՀ-ին՝ կայունացման և արդիականացման գործում»,- ասել է Պյոտր Սվիտալսկին։ ԵՄ դեսպանը ներկայացրել է, թե ինչ փուլում են Հայաստան-ԵՄ բանակցությունները և ինչ կարելի է սպասել այդ բանակցություններից.«Դրական օրակարգ ունի, փորձում ենք նոր բան կերտել, հարաբերությունների նոր մոդել ձևավորել, և շատ ուրախ եմ, որ քաղաքական երկխոսությունը ԵՄ-ի ու Հայաստանի միջև զարգանում է: Անցած տարի նախագահ Տուսկը այցելեց Հայաստան, այս տարի ակնկալում ենք Մոգերինիի այցը, որը կազդարարի ԵՄ մեծ պատրաստակամությունը` ձևավորելու լավ, արդյունավետ համագործակցություն Հայաստանի հետ»: Դեսպանը նշել է, որ Հայաստան-ԵՄ շրջանակային համաձայնագիրը պետք է դիտարկել «ԵՄ հարևանության նոր քաղաքականության ընդլայնված համատեքստում»: Իսկ հետո կքննարկվեն գործընկերության առաջնահերթությունները, որը, ըստ Պյոտր Սվիտալսկու, քաղաքականապես պարտադիր փաստաթուղթ է ու կներառի այդ համագործակցության քաղաքական օրակարգը: Շրջանակային համաձայնագիրը, նրա խոսքով, կարևոր է նրանով, որ երկկողմ հարաբերությունների համար իրավական կուռ հիմք է ձևավորելու, որի վրա պետք է կերտվեն քաղաքական երկխոսության ու համագործակցության կոնկրետ քայլեր: «Մենք քիչ թե շատ գիտենք սկզբնակետը, որը Ասոցացման համաձայնագրի Խորը և համապարփակ ազատ առևտրի գոտու տեքստն է։ Այն բանակցվել էր և հուսով ենք, որ քաղաքական մասը, որ վերաբերում է արժեքներին, ժողովրդավարությանը, անվտանգությանը, կընդունվի առանց փոփոխությունների: Իսկ համաձայնագրի այլ դրույթներ պետք կլինի ճշգրտել, հատկապես՝ առևտրին վերաբերող մասը»,- ասել է դեսպանը և հավելել, որ շարունակում են հուսալ, որ համաձայնագիրը կպարունակի որոշ դրույթներ, որոնք կդյուրացնեն ԵՄ երկրների կողմից ՀՀ-ում ներդրումների իրականացումը, որոնք կքաջալերեին եվրոպական հանրույթին, որ Հայաստանի հետ առևտուր իրականացնի: Անդրադառնալով այն հարցին, թե 2016-ին արդյոք ՀՀ-ն մնալու է առանց «Հարևանության քաղաքականության» և ինչպես են կարգավորվելու հարաբերությունները, քանի որ «Գործողությունների ծրագիրն» արդեն 2015-ին ավարտվել է` ԵՄ պատվիրակության ղեկավարը նշել է. «Որևէ ճեղք չի առաջանա»: Սվիտալսկին պնդել է, որ կողմերը կկարողանան մշակել հարուստ և կառուցողական օրակարգ` տարբերակման հիմքի վրա, որը լինելու է գործընկեր պետության առաջնահերթությունների, կարիքների ու առանձնահատկությունների գնահատման հիմքի վրա: 2013-ի սեպտեմբերի 3-ից հետո որոշակի անորոշություն մտավ Հայաստան-ԵՄ հարաբերություններում, երբ ԵՄ Վիլնյուսյան գագաթնաժողովից առաջ ՀՀ նախագահի մակարդակով հայտարարվեց, որ Հայաստանը մտադիր է միանալ Եվրասիական տնտեսական միությանը: Որոշ ժամանակ անց Հայաստան-ԵՄ համագործակցության ձևաչափը վերամեկնարկեց, իսկ 2015-ի դեկտեմբերի 7-ից սկսվեցին Հայաստան-ԵՄ բանակցությունները` նոր իրավական բազայի շուրջ: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |