ԱԳ փոխնախարար. Ալիևի վարչակարգի վրա լուրջ ճնշում է գործադրվում 1 ապրիլի 2016 - 18:45 AMT PanARMENIAN.Net - Ադրբեջանի նախագահ Իլհամ Ալիևի վարչակարգի վրա այժմ կիրառվում է լուրջ ճնշում: Այս մասին ապրիլի 1-ին ասել է ԱԳ նախարարի տեղակալ Շավարշ Քոչարյանը: «Շատ լուրջ ճնշում է՝ կապված մարդու իրավունքների, Ղարաբաղի հարցի կարգավորումը խոչընդոտելու հետ, առավել ևս այն հանգամանքի հետ, որ ըստ էության այն վտանգում է տարածաշրջանի անվտանգությունը շփման գծում ու սահմաններում իր սադրիչ գործողություններով»,-ասել է Քոչարյանը: Մի քանի կոնգրեսականներ դիմել էին ԱՄՆ նախագահ Բարաք Օբամային՝ առաջարկելով Ղարաբաղյան հարցով առաջընթաց ունենալու համար ճնշում գործադրել Ալիևի վրա, սակայն Վաշիգտոնում Օբամա-Ալիև ենթադրվող հանդիպումն այդպես էլ չկայացավ: «Ես շատ կարճ կպատասխանեմ, որովհետև Ալիևը ասելիք չուներ, նրա բոլոր գործողությունները դուրս են այն տրամաբանությունից, որը թելադրվում է համանախագահների կողմից, որը թելադրվում է միջազգային իրավունքի կողմից: Ես կարծում եմ, որ դա է հիմնական պատճառը»,- նկատել է ԱԳ փոխնախարարը, գրում է Panorama.am-ը: Նրա խոսքով՝ չնայած ԱՄՆ-Ադրբեջան փոխադարձ մեղադրանքներին Ալիևը ԱՄՆ-ում բարձր ընդունելության է արժանացել է, նրան ընդունել է ԱՄՆ պետքարտուղարը: «Նախ, բարձր կլիներ, եթե նրան ընդուներ նախագահը կամ փոխնախագահը: Երկորրդ՝ միջազգային հարաբերություններում սովորաբար ամեն ինչ սև ու սպիտակ չէ: Ճնշումը, այնուամենայնիվ ենթադրում է որոշակի մակարդակով հարաբերությունների պահպանում ու երկխոսություն», - ասել է Քոչարյանը: Մարտի 30-ին Վաշինգտոնում կայացել է Ադրբեջանի նախագահ Իլհամ Ալիևի և ԱՄՆ-ի պետքարտուղար Ջոն Քերրիի հանդիպումը, որից հետո կողմերը հանդես են եկել համատեղ հայտարարությամբ։ Քերրին հայտնել է, որ Միացյալ Նահանգները հետաքրքրված է Ադրբեջանի հետ հետագա երկարատև գործակցությամբ՝ ընդգծելով: Նա մտահոգություն է հայտնել շփման գծում բռնությունների աճի կապակցությամբ՝ ընդգծելով, որ իրենք շարունակում են աշխատանքը հակամարտող կողմերի հետ, միջազգային իրավունքի սկզբունքների, ՄԱԿ-ի կանոնադրության, Հելսինկյան եզրափակիչ ակտի հիմնադրույթների հիման վրա հասնելու համապարփակ կարգավորմանը։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |