Մոուրինյոն բացատրել է, թե ինչու Մխիթարյանը չի մասնակցել «Ֆեներբախչեի» դեմ խաղին21 հոկտեմբերի 2016 - 13:19 AMT PanARMENIAN.Net - «Մանչեսթեր Յունայթեդի» գլխավոր մարզիչ Ժոզե Մոուրինյոն պատմել է, թե ինչու չի ընդգրկել կիսապաշտպան Հենրիխ Մխիթարյանին Եվրոպայի լիգայի խմբային փուլի 3-րդ տուրում «Ֆեներբախչեի» դեմ խաղի (4:1) հայտացուցակում: Հանդիպումից առաջ մասնագետն ասել էր, որ հայ ֆուտբոլիստn ապաքինվել է վնասվածքից և պատրաստ է խաղալ, գրում է Championat.com-ը: «Մենք ընդգրկեցինք Լինգարդին, Մատուին և Մարսիալին: Ես Էյնշտեյնը չեմ և չգիտեմ այնպիսի մարտավարական սխեմա, որի դեպքում դաշտում միանգամից 4 վինգեր կլինի: Հենրիխը պետք է շարունակի աշխատել, որպեսզի նրա մարզավիճակը թույլ տա իրեն խաղալ բարձր մակարդակով: Ես որոշեցի, որ այդ օրը Հենրիխի համար ավելի լավ կլինի մի լավ մարզվել, քան նստել պահեստայինների նստարանին և իր շանսին սպասել: Սակայն, նա պատրաստ է շուտով վերադառնալ խաղադաշտ»,-ասել է Մոուրինյոն: Վերջին անգամ Մխիթարյանը դաշտ է դուրս եկել սեպտեմբերի 10-ին Պրեմիեր լիգայի «Մանչեսթեր Սիթիի» դեմ խաղում: Մխիթարյանը վնասվածք էր ստացել օգոստոսի 31-ին Չեխիայի ընտրանու հետ հանդիպման ընթացքում: Հուլիսի 6-ին «Մանչեսթեր Յունայթեդը» պաշտոնապես ներկայացրել է Հայաստանի հավաքականի կիսապաշտպան Հենրիխ Մխիթարյանին որպես ակումբի նոր խաղացող: «Մանչեսթեր Յունայթեդը» €42 մլն է վճարել Մխիթարյանի համար, ինչպես նաև €8 մլն կվճարի ֆուտբոլիստին` որպես միանվագ բոնուս: Բացի այդ, Մխիթարյանի տարեկան աշխատավարձը «Մանչեսթեր Յունայթեդում» կկազմի €12.5 մլն: Պայմանագիրը կնքվել է 4 տարով: Այդպիսով, Մխիթարյանը շաբաթական մոտ £200 000 կստանա: Մխիթարյանը դարձել է հետխորհրդային տարածքի ամենաթանկարժեք ֆուտբոլիստը: Նախկինում այդ կարգավիճակն ուներ ուկրաինացի հարձակվող Անդրեյ Շևչենկոն, որը 2006-ին տեղափոխվեց անգլիական «Չելսի» իտալական «Միլանից» 40 մլն եվրոյով: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը Վենետիկի 60-րդ հոբելյանական բիենալեի հայկական տաղավարի պաշտոնական աջակիցն է ARARAT լեգենդար հայկական կոնյակը Ազգային տաղավարի համադրողն է ԳԱԿ ցուցադրությունների գծով տնօրեն Արմեն Եսայանցը Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր է |