// IP Marketing video - START// IP Marketing video - END

Հարձակվել են ԵԼՔ դաշինքի ընտրական շտաբի վրա. 40.000 դրամի վնաս է պատճառվել

Հարձակվել են ԵԼՔ դաշինքի  ընտրական շտաբի վրա. 40.000 դրամի վնաս է պատճառվել

PanARMENIAN.Net - Մարտի 18-ին թիվ 11 ընտրատարածքում առաջադրված (Շիրակի մարզ) ԵԼՔ դաշինքի պատգամավորության թեկնածու Սոֆիա Հովսեփյանն ահազանգ է ստացել, որ հարձակում են գործել Մեծ Մանթաշ համայնքում (հասցե` 1-ին խճուղի, 42 տուն) գործող իր ընտրական շտաբի վրա և կոտրել պատուհանի ապակիները։

Հարակից տարածքում փակցված քարոզչական նյութերը ևս վնասված են գտնվել։ Ժամը 09։37-ին թեկնածուն դիմել է ոստիկանություն։ Նախնական գնահատմամբ պարզվել է, որ պատճառված վնասը կազմում է 40․000 դրամ։

Քարոզարշավի մեկնարկից սկսած տեղի է ունենում ԵԼՔ դաշինքին պատկանող գույքի՝ մասնավորապես քարոզչական նյութերի և պաստառների ոչնչացում (մարտի 7-ին հարձակվել էին նաև ԵԼՔ դաշինքի Վանաձորի կենտրոնական շտաբի վրա և պատռել քարոզչական պաստառները, որի տեսագրությունն ուղարկվել է ոստիկանություն): Դեպքեր արձանագրվել են Վանաձորում, Երևանում, Արթիկում:

ԵԼՔ դաշինքը հիշեցնում է, որ ՀՀ քրեական օրենսգրքի 185 հոդվածի համաձայն՝ «1. Ուրիշի գույքը դիտավորությամբ ոչնչացնելը կամ վնասելը, որը զգալի չափերի վնաս է պատճառել՝ պատժվում է տուգանքով՝ նվազագույն աշխատավարձի հիսնապատիկից հարյուրապատիկի չափով, կամ կալանքով՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով»:

«Նման դեպքերը նպատակ ունեն ոչ միայն նյութական վնաս հասցնել դաշինքին, այլ նաև ստեղծել համընդհանուր վախի մթնոլորտ նախընտրական գործընթացները խաթարելու և ԵԼՔ դաշինքի նախընտրական շտաբերի համար վարձակալության տրվող տարածքների տրամադրմանը խոչընդոտելու համար։

Կոչ ենք անում իրավապահ մարմիններին հետևողական լինել տեղի ունեցած հանցագործության բացահայտման հարցում, իսկ ընտրական գործընթացը վերահսկող դիտորդական կազմակերպություններին՝ հատուկ ուշադրություն հատկացնել այս դեպքերին», - ասված է դաշինքի հայտարարության մեջ։

Կարդացեք նաև՝ Ոստիկանները պարզել են առաջադրված թեկնածուի պաստառի վնասումը. «Անգիտակցաբար են պոկել»

 Ուշագրավ
Այն սահմանում է սկզբունքները, որոնցով առաջիկայում պետք է առաջնորդվեն ԵՄ և ԱլԳ գործընկերության երկրները:
Արցախի հանրապետությունը ողջունել է Կատալոնիայի անկախացման գործընթացը
Փաշինյանը, մոտենալով խոսափողին, հայտարարեց, որ «անվստահություն է հայտնում սեփական աչքերին»
Նրա խոսքով, առանց այդ վստահության մեխանիզմների ներդրման շատ բարդ է ակնկալել որևէ դրական առաջընթաց