ԱԺ ընտրություններ. Թարմացվող լրահոս

ԱԺ ընտրություններ. Թարմացվող լրահոս

PanARMENIAN.Net - Ապրիլի 2-ին ՀՀ քաղաքացիներն ընտրում են խորհրդարան: Մանդատների համար 9 քաղաքական ուժ է մրցում:

Ընտրությունների ընթացքի կարևորագույն իրադարձությունները PAN-ը ներկայացնում է հակիրճ թարմացվող լրահոսով:

18:33 Ոստիկանությունը ենթադրյալ ընտրախախտումների 84 դեպք է արձանագրել:

18:02 2.557.706 ընտրողից քվեարկել է 1.317.936-ը կամ 50.93%-ը: Երևանում ընտրությունների 49.6%-ն է մասնակցել:

16:59 ՀՀԿ-ական Հակոբ Բեգլարյանի շտաբը հանդես է եկել հայտարարությամբ, որտեղ արձագանքել է ընտրակաշառք բաժանելու վերաբերյալ մեղադրանքներին

16:40 Վանաձորում ԵԼՔ-ի վստահված անձին հեռացրել են ընտրատեղամասից:

16:37 Կոնգրես-ՀԺԿ-ն հայտարարել է, որ զինվորների բաց քվեարկության դեպք է ֆիքսել:

16:02 ԵԱՀԿ դիտորդն ասում է՝ ընտրություններն անցնում են առանց էական խախտումների:

15:52 Միայն առաջին 4 ժամվա ընթացքում ընտրատեղամասերում գտնվող տեխնիկական սարքերը խափանվել են 98 անգամ:

15:07 14:00 դրությամբ մասնակցությունը 33.46% է:

14:57 Մենք առանձնացրել ենք մի քանի «կուսակցություն», որոնք կարող էին գոյություն ունենալ`մրցակից գաղափարախոսությունների առկայության դեպքում, ու առաջարկում ենք քվեարկել նրանցից մեկին:

14:24 Ռոբերտ Քոչարյանը չի մասնակցում ԱԺ ընտրությանը` երկրից բացակայում է:

13:42 «Ազատության» լրագրող Սիսակ Գաբրիելյանը բռնության է ենթարկվել Կոնդում՝ ՀՀԿ թեկնածու Հակոբ Բեգլարյանի շտաբում:

13:36 ՀՀԿ փոխնախագահ Արմեն Աշոտյանն ասում է՝ «ֆեյք» խախտումներ անողներ կան:

13:21 Տեր-Պետրոսյանը ևս քվեարկեց. լրագրողների հետ նա չշփվեց, միայն ասաց, որ տեխնիկական սարքերի արդյունավետությունը կերևա ընտրություններից հետո: Հարցին, թե ինչու սարքն իր մատնահետքերը չճանաչեց, կատակեց. «գյուղատնտեսական աշխատանքներից»:

13:10 ՀՀ-ում Եվրամիության պատվիրակության ղեկավար Պյոտր Սվիտալսկին ասում է՝ ընտրություններից «լավ արդյունքներ է ակնկալում»:

12:05 ԿԸՀ տվյալներով, 11:00 դրությամբ քվեարկել է ընտրողների 13.32%-ը:

11:24 Ընտրել է նաև «Ծառուկյան» դաշինքի ղեկավար Գագիկ Ծառուկյանը: Նա չի պատասխանել կոալիցիայի մասին հարցերին ու հայտարարել է, որ ընտրությունների համար նորմալ պայմաններ են ստեղծվել:

11:08 Նախագահ Սերժ Սարգսյանի քվեարկության ընթացքում տեխնիկական խնդիրներ են առաջացել:

10:56 Քվեարկել է նաև կոմունիստների առաջնորդ Տաճատ Սարգսյանը. իր կուսակցության հաջողության հույս ունի:

10:44 ՊՆ-ն թեժ գիծ է բացել զինծառայողների քվեարկության հետ կապված հնարավոր խնդիրների համար: Այն գործում է 1-28 հեռախոսահամարով:

10:29 13/18 ընտրատեղամասում քաշքշուկ ու բաց քվեարկություն է եղել, ահազանգում է Կոնգրես-ՀԺԿ դաշինքը:

10:14 Վարչապետ Կարեն Կարապետյանն ու իշխող ՀՀԿ առաջին համար, պաշտպանության նախարար Վիգեն Սարգսյանն արդեն քվեարկել են:

09:57 ՄԻՊ-ն այսօր շուրջօրյա ռեժիմով է աշխատելու:

09:46 ԿԸՀ նախագահ Տիգրան Մուկուչյանը հայտնել է 2 տեղամասում տեխնիկական միջոցների խափանման մասին:

09:32 Խախտումների գրանցման մի այլ համակարգ էլ մեդիափորձագետ Սամվել Մարտիրոսյանն է գործարկել. դրան կարելի է հետևել այստեղ:

09:25 Տեղամասերում տեղադրված տեսախցիկների մեծ մասն այս պահին, ի դեպ, չի աշխատում:

09:14 «Քաղաքացի դիտորդ» նախաձեռնության համաձայն, արդեն 69 տարբեր ընտրախախտում է գրանցվել:

09:12 Ընտրությունների ընթացքին սոցցանցերում առավել հարմար է հետևել #armvote17 հեշթեգով:

09:08 Ընտրատեղամասերի մեծ մասն ապահովված է տեսախցիկներով, որոնք ուղիղ հեռարձակում են ապահովում: Հեռարձակումը հասանելի է այստեղ:

08: 00 Ընտրատեղամասերը բացվել են:

 Ուշագրավ
ՍԴ ղեկավարը վարաչապետից ներողություն և հերքում է պահանջում
Նամակում նշվում է, որ հայկական կողմի աջակցությունը կորոնավիրուսի դեմ պայքարում իր ազդեցությունն է ունենում բարձր մակարդակում փոխադարձ վստահության վրա
ՏԿԵ նախագծով առաջարկվում է զարգացնել ավագանու ինստիտուտը, 4000-ից ավելի ընտրող ունեցող համայնքներում անցնել համամասնական ընտրակարգի
Սերժ Սարգսյանի թիկնազորի նախկին պետ Վաչագան Ղազարյանն ու կինն ամբողջությամբ հատուցել են պետությանը պատճառված վնասը