// IP Marketing video - START// IP Marketing video - END

Երևանում ԼԳԲՏ թեմայով պաստառներ են տեղադրվել

Երևանում ԼԳԲՏ թեմայով պաստառներ են տեղադրվել

PanARMENIAN.Net - Մայիսի 25-ից Երևանի կենտրոնում՝ Կարապի լճի և Ֆրանսիայի հրապարակի մոտակայքում ԼԳԲՏ անձանց թեմաներով սոցիալական գովազդի պաստառներ են հայտնվել:

Կարդացեք նաև՝ Քաղաքապետարան. ԼԳԲՏ անձանց թեմայով սոցիալական գովազդի պաստառներն ապօրինի են

Պաստառներից մեկում երկու նույնասեռական տղամարդ կերպարանավորող տղամարդկանց գրկախառնության նկար է, որտեղ գրված է. «Դու ուզու՞մ ես, որ բոլորը երջանիկ լինեն, ուրեմն մաղթիր մեզ երջանկություն»:

Մյուս պաստառում տարբեր մասնագիտություններ ունեցող մարդկանց կոլաժ է ու գրված է. «Դուք հանդիպում եք նրանց ամեն օր»:

Եվ երրորդում պատկերված են երեք ձեռք, իսկ պաստառին գրված է. «Տրանս անձինք մեր հասարակության մասն են»:

Պաստառները ստեղծվել են 2017-ի մայիսին հրապարակված սոցիալական տեսահոլովակների հիման վրա: Հետագայում այլ պաստառներ էլ կլինեն, հայտնում է Փինք Արմենիա հասարակական կազմակերպությունը:

Սոցիալական տեսահոլովակները և պաստառները պատրաստել են Action Studio-ն և Deem Communication-ը` «Հանրային տեղեկատվություն և գիտելիքի կարիք» ՀԿ-ի և Հենրիխ Բյոլ հիմնադրամի Հարավային Կովկասի տարածաշրջանային գրասենյակի համագործակցությամբ, Եվրամիության ֆինանսական աջակցությամբ իրականացվող «ԼԳԲՏԻ անձանց համերաշխության ցանց Հայաստանում և Վրաստանում» ծրագրի շրջանակներում:

 Ուշագրավ
WikiLeaks-ը հրապարակել է Հայաստանի Հանրապետությունում ԱՄՆ դեսպանատան գնումների ցանկը
Պաշտպանական կողմը պնդում է, որ Գրիգորյանի առողջական վիճակը կալանքի հետ անհամատեղելի է։
Հինավուրց և հիմնականում վատ ղեկավարություն ունեցած ազգն ունի ժողովրդավարության և վերականգնման հնարավորություն
2019 թվականի հունիսի 1-ին կենսաթոշակառուների թիվը կանխատեսվում է 497,394