Ֆրանսիայի դեսպան. ՀՀ-ն ԵՏՄ միակ երկիրը կլինի, որը պայմանագիր կունենա ԵՄ հետ

PanARMENIAN.Net - ՀՀ-ԵՄ համաձայնագիրը Հայաստանին լայն հնարավորություններ կընդձեռի, ՀՀ-ն ԵՏՄ միակ երկիրը կլինի, որը պայմանագիր կունենա Եվրամիության հետ : Այդ մասին հայտարարել է Հայաստանում Ֆրանսիայի դեսպան Ժան-Ֆրանսուա Շարպանտիեն` անդրադառնալով ՀՀ-ԵՄ ստորագրվելիք համաձայնագրին:

Հայաստանում Ֆրանսիայի դեսպան Ժան-Ֆրանսուա Շարպանտիեն ավարտում է իր դիվանագիտական առաքելությունը ՀՀ-ում:

Դեսպանը նշել է, որ պետք չէ այլևս հետ նայել, պետք է առաջ նայել, հայտնում է Aysor.am-ը:

«Ակնհայտ է, որ չի կարելի միաժամանակ երկու տարբեր գոտնիներում գտնվել: Սա չի նշանակում, որ անկախ երկիրը չի կարող ընտրել իր հետագա անելիքները և գործակցային հարաբերությունները: Այն օրը, երբ կստորագրվի ՀՀ-ԵՄ համաձայնագիրը, Հայաստանը կդառնա միակ երկիրը, որը ԵՏՄ անդամ լինելով` պայմանագիր կունենա Եվրամիության հետ», - ասել է ՀՀ-ում Ֆրանսիայի դեսպանը:

«Այդ համաձայնագիրը Հայաստանին լայն հնարավորություններ ընդձեռող ծրագիր կլինի», - ընդգծել է նա:

Սեպտեմբերի 6-ին Հայաստանում ԵՄ դեսպան Պյոտր Սվիտալսկին, որը նոր էր վերադարձել Բրյուսելից, հայտարարեց, որ Հայաստան-ԵՄ նոր համաձայնագրի ստորագրման նախապատրաստական աշախատանքներն ընթանում են բնականոն հունով:

Մարտի 21-ին Երևանում նախաստորագրվել է Հայաստանի և Եվրոպական միության միջև Համապարփակ և ընդլայնված գործընկերության համաձայնագիրը:«Համեմատաբար կարճ ժամանակահատվածում մենք կարողացանք ավարտել Համապարփակ և ընդլայնված գործընկերության համաձայնագրի շուրջ բանակցությունները, ինչի մասին փետրվար ամսին Բրյուսելում հայտարարեցին նախագահներ Սարգսյանը և Տուսկը: Տեքստը նախաստորագրվել է, և ակնկալում ենք այն ստորագրել գալիք գագաթնաժողովի ընթացքում»,- ավելի վաղ ասել էր ԱԳ նախարար Նալբանդյանը: