Կիևում պայթյունից վիրավորված պատգամավորն Ուկրաինա-ՀՀ բարեկամական խմբի ղեկավարն է![]() 26 հոկտեմբերի 2017 - 13:11 AMT PanARMENIAN.Net - Հոկտեմբերի 25-ին Կիևում պայթյունից վիրավորված Ուկրաինայի Գերագույն ռադայի պատգամավոր Իգոր Մոսիյչուկը Ուկրաինա-Հայաստան բարեկամական խմբի ղեկավարն է: Ազգային ժողովում դատապարտել են նրա դեմ մահափորձը: Պայթյունը տեղի է ունեցել հոկտեմբերի 25-ի երեկոյան Կիևի Ադամ Միցկևիչի փողոցում: Մոսիյչուկը տեղափոխվել է հիվանդանոց և վիրահատվել է: Նրա կյանքին վտանգ չի սպառնում: Զոհվել է նրա թիկնապահը: «Ուկրաինա-Հայաստան բարեկամական խմբի և մեր գործընկերների անունից դատապարտում ենք խմբի ղեկավարի դեմ իրականացված մահափորձը»,- հայտարարել է ԱԺ Հանրապետական խմբակցության պատգամավոր Կարեն Բեքարյանն Ազգային ժողովում, հայտնում է Panorama.am-ը։ Պատգամավորը հիշեցրել է, որ մահափորձի մասին հոկտեմբերի 25-ին հաղորդագրություն էին տարածել ուկրաինական լրատվամիջոցները։ «Կան վիրավորներ և մեկ զոհ։ Ցավակցում ենք զոհի ընտանիքներին ու հարազատներին։ Խմբի ղեկավարն այժմ գտնվում է հիվանդանոցում։ Միևնույն ժամանակ Ուկրաինայի բարեկամ ժողովրդին մաղթում ենք խաղաղություն և հանդարտություն»,- ասել է Բեքարյանը։ Ըստ վերջին տվյալների, տուժել է 5 մարդ, որից մեկը, ոստիկանության հատուկ նշանակության ջոկատի 30-ամյա աշխատակիցը, զոհվել է: ![]() ![]() Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել ![]() ![]() ![]() | ![]() ![]() ![]() ![]() ![]() ![]() ![]() ![]() |