Samsung-ի «խելացի» հագուստը կլիցքավորի գաջեթները

12 դեկտեմբերի 2017 - 14:39 AMT

PanARMENIAN.Net - Samsung ընկերությունը «խելացի» հագուստ է պատենտավորել, որը կարող է լիցքավորել ժամանակակից օգտատերերի բազմաթիվ գաջեթները:

Նորույթի պաշտոնական շնորհանդեսը կարող է տեղի ունենալ CES 2018 ցուցահանդեսում, որը կանցնի հունվարի 9-12-ը Լաս Վեգասում, գրում է Ferra.ru-ն հոլիվուդյան LetsGoDigital ռեսուրսի վրա հղումով:

Պատենտում նկարագրված է վերնաշապիկը (կամ բաճկոնը, պիջակը), որը կարող է էներգիա արտադրել և կուտակել: Մարտկոցը ինետգրված է հագուստի թիկունքի մասում, էներգիա արտադրելու համար օգտագործվում են օգտատերի շարժման վերափոխիչներ: Նախատեսված են նաև շարժման տվիչներ և պրոցեսորներ:

Կուտակված էներգիայի միջոցով հնարավոր կլինի լիցքավորել ինչպես «խելացի» հագուստի մեջ տեղադրված տվիչներն ու սենսորները, այնպես էլ արտաքին գաջեթները: Օրինակ, անլար միջոցով հնարավոր կլինի սմարթֆոնը լիցքավորել՝ այն ուղղակի գրպանը դնելով:

Դեռ հայտնի չէ, թե հատկապես երբ այդ մշակումը կհայտնվի վաճառքում: 2015-ին ընկերությունն արդեն ցուցարդել էր HumanFit բրենդը՝ «թևքերի» մեջ մի շարք անլար հնարքներով:

Հղումներ թեմայով.

Ferra.ru: Samsung научит одежду заряжать смартфоны