Կոկա-Կոլա-ի հետ ՖԻՖԱ ԱԱ գավաթի այցը Երևան ավարտվել է. Տպավորություններ ու հիշվող պահեր 9 փետրվարի 2018 - 19:04 AMT PanARMENIAN.Net - Փետրվարի 7-ին Երևանում ֆուտբոլային իսկական տոն էր՝ առաջին անգամ մայրաքաղաք էր բերվել ՖԻՖԱ Աշխարհի առաջնության ոսկե գավաթը, որն արդեն 4-րդ անգամ աշխարհով մեկ շրջագայում է Կոկա-Կոլա-ի հետ: Այս շրջագայությունները ֆուտբոլասերներին բացառիկ հնարավորություն են ընձեռում՝ մոտիկից տեսնելու և լուսանկարելու ֆուտբոլի ամենանշանավոր գավաթի ոսկե բնօրինակը: Երևանում Կոկա-Կոլա-ի հետ ՖԻՖԱ Աշխարհի առաջնության գավաթի շրջագայությունը մեկնարկեց մամուլի ասուլիսով, որի մասնակիցներն առաջինը Գավաթը մոտիկից տեսնելու հնարավորություն ստացան: «Շատ ուրախ ենք, որ Գավաթն այսօր առաջին անգամ Երևանում է: Այս շրջագայությունը լավ առիթ է նախապատրաստվելու ամռանը մեզ սպասվող ֆանտաստիկ առաջնությանը, որն ի դեպ նույն արժեքներով է ոգեշնչված, ինչ մեր ընկերությունը, այն է՝ մարդկանց միավորել, երջանկություն տարածել և ավելի լավ ապագայի տեսլական ներշնչել»,- իր ողջույնի խոսքում նշեց «Կոկա-Կոլա Հելլենիկ Արմենիա» ընկերության տնօրեն Քրիստոֆ Սփեքը՝ օրը պատմական որակելով:
Ոսկե մրցանակն ուղեկցող ՖԻՖԱ և «Կոկա-Կոլա Ընկերության» պատվիրակության կազմում էր նաև 1998 ՖԻՖԱ Աշխարհի առաջնության չեմպիոն, սիրված ֆուտբոլիստ Քրիստիան Կարամբյոն, ով ասուլիսի ավարտին Գավաթը դուրս բերեց ֆուտբոլասերների համար Ազատության հրապարակում հանրային ցուցադրության: Ավելի ուշ՝ երեկոյան, ՖԻՖԱ-ի Աշխարհի առաջնության գավաթի ընդունման հանդիսավոր արարողությունն էր, որի ժամանակ Քրիստիան Կարամբյոն Գավաթը փոխանցեց ՀՀ նախագահ Սերժ Սարգսյանին:
«Ֆուտբոլը մի յուրահատուկ աշխարհ է, որը միավորում է միլիարդավոր մարդկանց՝ անկախ մաշկի գույնից, կրոնից, սեռից, տարիքից, կրթությունից, և այսպես կարելի է շարունակել: Նրանց ընդամենը մի բան է միավորում՝ սերը այս աննման խաղի նկատմամբ», - իր ելույթում նշեց նախագահ Սարգսյանը` շնորհակալություն հայտնելով գաղափարի հեղինակներին և իրականացնողներին: Փետրվարի 8-ին ՖԻՖԱ Աշխարհի առաջնության գավաթը Կոկա-Կոլա-ի հատուկ չարթերային ինքնաթիռով Երևանից ուղևորվեց Թբիլիսի: «Կոկա-Կոլա Ընկերության» պատվիրակությունը գլխավորող Թուրքիա, Կովկաս, Կենտրոնական Ասիա տարածաշրջանների նախագահ Եվգենիա Ստոիչկովան այցի տպավորություններն ամփոփելիս նշեց՝ ամենատպավորիչը մարդկանց ժպիտներն ու ջերմ հյուրասիրությունն էր:
«Շատ ուրախ ենք Երևանում Գավաթի շրջագայության արդյունքներով՝ ոգևորված ֆուտբոլասերների բազմությամբ և ասուլիսին մասնակցող լրագրողների հետաքրքրությամբ: Մեզ համար մեծ պատիվ էր նաև հյուրընկալել երկրի նախագահին, որի ուղերձում վառ երևում էր ֆուտբոլի նկատմամբ մեծ հետաքրքրությունն ու «Կոկա-Կոլա Հելլենիկ Արմենիա» ընկերության նկատմամբ ունեցած դրական վերաբերմունքը», - նշեց Եվգենիա Ստոիչկովան: Երևանից հեռանալիս Քրիստիան Կարամբյոն ընդգծեց Կոկա-Կոլա-ի հետ ՖԻՖԱ Աշխարհի առաջնության գավաթի շրջագայության կարևորությունը:
«Այն ոչ միայն երիտասարդ ֆուտբոլասերներին ոգեշնչելու և սպորտով զբաղվողների քանակն ավելացնելու առումով է կարևոր, այլև ֆուտբոլի արժեքները՝ դիմացինի նկատմամբ հարգանքը, արդար խաղը, խտրականության բացակայությունը, տարածելու և իհարկե Ֆուտբոլի գալիք առաջնությունը խթանելու հնարավորություն: Գավաթը Երևան բերելով, կարծում ենք՝ կարողացել ենք որոշ չափով իրականացնել այն ֆուտբոլասերների երազանքը, որոնք հնարավորություն չեն ունենա մասնակցելու Ռուսաստանում կայանալիք առաջնությանը: Գավաթը նրանց մոտ բերելով և ցուցադրելով, կարծում եմ՝ ոգեշնչում ենք նրանց և օգնում հասնել երազանքներին», - ասաց ֆուտբոլիստը՝ Հայաստանի ազգային ֆուտբոլի հավաքականի անդամներին կրկին մաղթելով մեկ օր Գավաթը բարձրացնելու հնարավորություն ունենալ:
2018-ի ամռանը սպասվող ՖԻՖԱ Աշխարհի առաջնությանը նախորդող շրջագայությունը մեկնարկել է 2017-ի սեպտեմբերին՝ Մոսկվայում: Մինչև դեկտեմբեր այն ՌԴ-ում էր, իսկ հունվարի 22-ին Լոնդոնում մեկնարկեց շրջագայության երկրորդ փուլը և Գավաթն ուղևորվեց դեպի 50 երկիր: Մայիսին Գավաթը հետ կվերադառնա ԱԱ-ն հյուրընկալող Ռուսաստան՝ մինչև այդ 91 քաղաք այցելելով: Մինչև ՀՀ հասնելն այն արդեն եղել է Լաոսում, Տոնգայում, Շրի Լանկայում և այլ երկրներում: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը Վենետիկի 60-րդ հոբելյանական բիենալեի հայկական տաղավարի պաշտոնական աջակիցն է ARARAT լեգենդար հայկական կոնյակը Ազգային տաղավարի համադրողն է ԳԱԿ ցուցադրությունների գծով տնօրեն Արմեն Եսայանցը Փոխվարչապետը շեշտել է ՎԶԵԲ-ի դերը ԵՄ տնտեսական և ներդրումային պլանի իրականացման գործընթացում Գրիգորյանը նշել է, որ ՎԶԵԲ-ը Հայաստանի համար առանցքային գործընկեր է |