Թուրքիայի ՍԴ-ն անվավեր է ճանաչել համալսարաններում հիջաբ կրելն արտոնող նոր օրենքը 6 հունիսի 2008 - 14:44 AMT PanARMENIAN.Net - Հունիսի 5-ին Թուրքիայի Սահմանադրական դատարանն անվավեր է ճանաչել համալսարաններում հիջաբ կրելն արտոնող նոր օրենքը: Սահմանադրական դատարանը, որը Թուրքիայում բարձրագույն դատական ատյանն է, որոշել է, որ այդ արգելքի վերացումը հակասում է սահմանադրության միանգամից երեք հոդվածներին, ներառյալ հոդվածն այն մասին, որ Թուրքիան աշխարհիկ պետություն է, հաղորդում է BBC-ի ռուսական ծառայությունը: Ավելի վաղ գլխավոր ընդդիմադիր Ժողովրդա-հանրապետական կուսակցությունը դիմել էր դատարան` պահանջելով չեղյալ հայտարարել այդ օրենքը, որ փետրվարին խորհրդարանով էր անցկացրել իշխող Արդարության եւ զարգացման կուսակցությունը (ԱԶԿ): Ընդդիմությունը պնդում էր, որ օրենքը չի համապատասխանում երկրի սահմանադրությանը, քանի որ սպառնում է պետության աշխարհիկ կառուցվածքին: Թուրքիայի կառավարությունը պատասխանում էր, թե հանրակրթական հաստատություններում հիջաբ կրելու արգելքը որոշ աղջիկների զրկում է կրթություն ստանալու իրավունքից: 11 դատավորների կոլեգիայի կայացրած որոշումը կարող է ազդել մյուս դատական լսումների ելքի վրա, որոնց ժամանակ ԱԶԿ-ի գործունեությունը կարող է արգելվել` պետության աշխարհիկ հիմքերը խարխլելու համար Դատարանը կարող է արգելել կուսակցության 71 անդամներին, ներառայալ վարչապետին եւ նախագահին, հինգ տարվա ընթացքում անդամակցել որեւէ կուսակցության: Պետական հաստատությունները, որոնք սատարում են Թուրքիայի աշխարհիկ կառուցվածքին` բանակը, դատարաններն ու համալսարանները, բոլոր ուժերով պայքարել են այդ արգելքը վերացնելու դեմ: Նրանք այդ ուղղումը դիտարկում են որպես մեջիթը պետությունից անջատելու մասին օրենքի ուղղակի խախտում եւ այն բանի ապացույց, որ իշխող կուսակցությունը գաղտնի փորձում է առաջ տանել իսլամիստական օրենքը: Իշխանության կուսակցությունը ժխտում է դա: Այն բազում սոցիալական բարեփոխումներ է անցկացրել` փորձելով հասնել Թուրքիայի անդամակցությանն ԵՄ-ին: ԱԶԿ-ն սերտորեն կապված է իսլամի հետ, վարչապետ Ռեջեփ Էրդողանը 1990-ականներին բանտ է նստել իսլամիստական գործունեության համար: 1997թ. այդ կուսակցությանը հեռացրեցին իշխանությունից: Սակայն վեց տարի առաջ այն վերախմբավորվեց կրոնական պահպանողականների, ազգայնականների, ազատականների եւ աջակենտրոնամետների լայն կոալիցիայի պլատֆորմի վրա: ԱԶԿ-ի ներկայացուցիչները, որոնք անցած ընտրություններում համոզիչ հաղթանակ տարան, հավաքելով քվեների 47 տոկոսը, պնդում են, որ հիջաբ կրելը անձնական եւ կրոնական ազատության հարց է: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Ամենաընթերցվողը բաժնում | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |