30 տարվա խնդիրը լուծվել է. Վագոն-տնակի փոխարեն կոթեցի ընտանիքը քարե տուն է ստացել26 դեկտեմբերի 2018 - 14:23 AMT PanARMENIAN.Net - ՎիվաՍել-ՄՏՍ-ը և «Հայաստանի Ֆուլեր տնաշինական կենտրոնը» գնահատում են ընթացիկ տարվա ձեքբերումները: Գարնանը մեկնարկած բնակարանաշինության ծրագիրը մոտենում է ավարտին: Գործընկեր կառույցները հաշվետու տարվա կարևոր ձեռքբերումներից են համարում հանրապետության տարբեր մարզերում շահառու դարձած ընտանիքների հոգեվիճակի փոփոխությունը: Ձեռքբերումներից մեկն էլ 30 տարվա վաղեմության խնդրի լուծումն է Կոթի գյուղում: «Այս ծրագիրը միշտ համարել եմ ամենահաջողվածներից: Կա մի քանի պատճառ. կատարվում է կարևոր գործ և մարդիկ արժանապատվությամբ հաղթահարում են տարիների խնդիրը: Հատկապես ուրախ եմ սահմանին ապրող մեր հայրենակիցների համար: Աջակցություն ստացած ընտանիքներն Նոր տարին նշելու են նոր բնակարանում: Թող այսուհետ կյանքը միայն հաճելին մատուցի նրանց: Շնորհակալություն համագործակցության համար», - ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, հայտնում է ընկերության մամուլի ծառայությունը: «Ընթացիկ տարում հատկապես կարևոր ձեռքբերում էր կոթեցի ընտանիքներից մեկին ցուցաբերված աջակցությունը: Երեսուն տարի, երկաթյա տնակում, հակառակորդի գնդակոծության հնարավոր վտանգներից երեխաներին պաշտպանած ընտանիքը կշարունակի ապրել իր հայրենի գյուղում: Այս անգամ, սակայն, առավել ապահով՝ քարե տանը: Հուսահատությունն այլևս հոգեվիճակ չէ նրանց համար. մարդիկ սկսում են ժպտալ ու հավատով նայել ապագային: Սա ամենաերկար սպասված նվերն էր՝ Ամանորի շեմին: Առաջին անգամ կյանքում Բեջանյանների երեսունամյա որդիները սկսել են մտածել ընտանիք կազմելու մասին», - ասել է «Հայաստանի Ֆուլեր տնաշինական կենտրոնի» տնօրեն Աշոտ Եղիազարյանը: Տավուշի մարզի Կոթի գյուղում բնակվող Բեջանյանների ընտանիքը վագոն-տնակում ապրել է երեք տասնամյակ՝ այդ ամբողջ ժամանակ զգալով հակառակորդի կրակոցից եկող իրական վտանգը: Ընտանիքի հայրը՝ Բաբկենը, կյանքի հիսուն հինգ տարիներից մեծ մասն անցկացրել է 27 քմ մակերեսով մետաղյա պատերի մեջ: Կինը՝ Նունեն, երեք երեխաների հետ տարել է ցրտաշունչ ձմռան դժվարությունը, ամռան տապը, հակառակորդի կրակոցների սարսափն ու ամեն անգամ ապրել հրաշքով փրկվելու երջանկությունը: Իսկ դուստրը՝ Գոհարը, հրաշքով փրկվածներից է. հակառակորդի գնդակոծությունից օրորոցում հայտնված բեկորը կարող էր անդառնալի լինել նորածնի համար: Այժմ նա արդեն հնգամյա որդու մայր է: ՎիվաՍել-ՄՏՍ-ի և «Ֆուլեր տնաշինական կենտրոնի» գործակցությամբ իրականացվող բնակարանաշինության ծրագրի շնորհիվ ընտանիքի կյանքը հիմնովին փոխվել է. Բեջանյանները քարաշեն, երկհարկանի տանը նախապատրաստվում է Նոր տարվա տոներին: «Սա իմ կյանքի ամենաերջանիկ տարին է: Նախապատրաստվում եմ Նոր տարուն: Լուսավոր ու մեծ բնակարան տեղափոխվելով՝ ուղղակի մոլորվել եմ անսովորությունից: Տղաներս իրենց ննջարանն ունեն, մենք՝ մերը: Այժմ գնդակոծությունն այդքան սարսափելի չէ. քարե պատերն ավելի ամուր են և ես լիարժեք ապահովության զգացողություն ունեմ: Ունեմ մեծ երազանք. ուզում եմ նոր բնակարանում ամուսնացնել որդիներիս», - ասել է ընտանիքի մայրը՝ Նունե Բեջանյանը: Բնակարանաշինության՝ ընթացիկ տարվա ծրագրով, տոներից հետո բնակարանամուտ կնշի ևս մեկ ընտանիք: Այս անգամ՝ Արագածոտնի մարզում: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |