// IP Marketing video - START// IP Marketing video - END

Մահացածի օրգանները կարող են օգտագործվել փոխպատվաստման համար՝ եթե դոնորը նախօրոք չարգելի

Մահացածի օրգանները կարող են օգտագործվել փոխպատվաստման համար՝ եթե դոնորը նախօրոք չարգելի

PanARMENIAN.Net - Մահացած մարդկանց օրգանների տրանսպլանտացիայի հարցում ՀՀ-ում գործում է հրաժարվելու սկզբունքը, այսինքն՝ մարդը, ով չի ուզում, որ իր օրգանները մահից հետո օգտագործվեն այլ մարդկանց կյանքերը փրկելու համար, կարող է հրաժարվել դրանից։

Այս մասին հայտնել է առողջապահության նախարար Արսեն Թորոսյանը լրագրողների հետ զրույցում, հայտնում է Հայկական ժամանակը։

Նրա խոսքերով, այս պահին մեխանիզմը չի գործում, չնայած օրենսդրական բազան կա։ Սակայն օրգանները տրանսպլանտացիայի համար տրամադրելուց հրաժարվելու մեխանիզմը ներդրվելու է։

«Բայց ես հատուկ ուզում եմ շեշտել, որ հրաժարվելը կարող է ուրիշի կյանք արժենալ»,- ասել է նախարարը։

ՀՀ կառավարության ապրիլի 25-ի նիստում առողջապահության նախարար Արսեն Թորոսյանը հայտարարել է, որ ապրիլի 24-ին ՀՀ-ում առաջին անգամ կատարվել է լյարդի փոխպատվաստում կենդանի դոնորից։

«Սա այնքան կարևոր բժշկագիտական իրադարձություն է, որ ցանկացա անպայման այդ մասին տեղեկացնել բոլորին», - ասել է նախարարը։

 Ուշագրավ
Վարչապետ Նիկոլ Փաշինյանն ընդունել է Հարվարդի համալսարանի Քենեդիի անվան կառավարման դպրոցի շուրջ երկու տասնյակ ուսանողների
Դատարանի շենքի մոտ շարունակվում է Քոչարյանի աջակիցների և վերջինիս դեմ բողոքի ակցիան
«Ավրորա» մարդասիրական նախաձեռնությունն ընդունում է մրցանակի հավակնորդների առաջադրումներ