Ժիժեկ․ Ինչու են մարդիկ վազում զուգարանի թուղթ գնելու19 մարտի 2020 - 20:39 AMT PanARMENIAN.Net - Աշխարհի երկրների մեծ մասում՝ Ավտրալիայից մինչև Ֆրանսիա, մարդիկ խանութներից տասնյակներով զուգարանի թուղթ են գնում։ Նման դեպքեր եղել են նաև ՀՀ-ում. Տնտեսական մրցակցության պետական պաշտպանության հանձնաժողովի նախագահ Գեղամ Գևորգյանը հայտնել էր, որ մի քաղաքացի գնել էր 108 հատ զուգարանի թուղթ: Ինչու՞ են մարդիկ այդպես վարվում. հայտնի փիլիսոփա Սլավոյ Ժիժեկը տարիներ առաջ՝ դեռ մինչև կորոնավիրուսը, տվել է պատասխանի իր վարկածը՝ հիմնվելով Հարավսլավիայի փորձի հիման վրա։ Ժիժեկն առաջարկել է դիտարկել մի իրավիճակ, երբ խանութներում բավականաչափ զուգարանի թուղթ կա և, չնայած դրան, ինչ-որ տեղից շշուկներ են հայտնվում, որ զուգարանի թղթի դեֆիցիտ է: Ըստ նրա՝ շշուկների արդյունքում մարդիկ սկսում են գնել ավելի շատ զուգարանի թուղթ ու պահեստավորել, արդյունքում իրոք դեֆիցիտ է առաջանում: Ժիժեկը բացատրում է, որ նույնիսկ մարդիկ, որոնք հասկանում են, որ խանութներում բավականաչափ զուգարանի թուղթ կա, ամեն դեպքում գնում կատարում են, քանի որ տեսնում են` մեկ այլ խումբ զուգարանի թուղթ է պահեստավորում և, ի վերջո, հնարավոր է դեֆիցիտ առաջանա: Ըստ նրա՝ նմանատիպ իրավիճակի իմաստն այն է, որ «ուրիշը», ով, ենթադվում է, միամտորեն հավատում է լուրերին, պարտադիր չէ, որ գոյություն ունենա. այստեղ բոլորովին բավական է, որ մյուսները ենթադրեն, որ նա գոյություն ունի: Փակ համակարգում յուրաքանչյուր սուբյեկտ կարող է նման դերակատարում ունենալ և հետևանքը նույնը կլինի՝ զուգարանի թղթի դեֆիցիտ: «Միակը, ով, ի վերջո, կմնա առանց թղթի, նա է, ով գիտի ճշմարտությունը և ենթադրում է, որ չի կարելի հավատալ շշուկներին, քանի որ թուղթը կբավականացնի բոլորին, և չի վազում խանութներով»,- եզրակացնում է Ժիժեկը: ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 19-ի ցերեկվա դրությամբ երկրում վարակի 122 հաստատված դեպք կա, մեկն առողջացել է:
Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |