Վարչապետ․ Ծայրահեղ ծանր վիճակում գտնվող պացիենտներից մեկն ԱՄՆ քաղաքացի է

Վարչապետ․ Ծայրահեղ ծանր վիճակում գտնվող պացիենտներից մեկն ԱՄՆ քաղաքացի է

PanARMENIAN.Net - ՀՀ-ում ծայրահեղ ծանր վիճակում գտնվող կորոնավիրուսով վարակված 2 պացիենտից մեկը՝ ԱՄՆ, մյուսը՝ ՀՀ քաղաքացի է։ Այս մասին Կառավարության նիստում հայտնել է վարչապետ Նիկոլ Փաշինյանը։

Նա հայտնել է, որ ԱՄՆ քաղաքացին այզգությամբ հայ չէ։ Երկուսն էլ 75-ից բարձր տարիքի մարդիկ են, ինտենսիվ թերապիա են ստանում:

Ըստ վարչապետի՝ այսուհետ աշխատելու են հյուրանոցների հետ՝ թեթև վիճակում գտնվող հիվանդներին այնտեղ տեղավորելու համար։

Նպատակը թե արտակարգ դրության պայմաններում հյուրանոցներին օգնելն է, թե հիվանդանոցային համակարգի ծանրաբեռնվածությունը թույլ չտալը։

Հայաստանում մարտի 26-ի առավոտվա դրությամբ կորոնավիրուսով վարակի դեպքերի թիվը հասել է 290-ի` նախորդ օրվա համեմատ ավելանալով 25-ով: Ապաքինվել է 18 անձ, փաստացի բուժվում է 272-ը։

 Ուշագրավ