Մայիսի 18-ից տրանսպորտը կաշխատի, ամսի 25-ից դիմակը պարտադիր կդառնա

Մայիսի 18-ից տրանսպորտը կաշխատի, ամսի 25-ից դիմակը պարտադիր կդառնա

PanARMENIAN.Net - Մայիսի 18-ից հանրային տրանսպորտը կաշխատի։ Այդ մասին ԱԺ-ում հայտարարել է ՀՀ պարետ Տիգրան Ավինյանը։

«Մայիսի 18-ից հանրային տրանսպորտն ամբողջովին կվերագործարկվի, կվերաբացվեն առևտրի իրականացման վայրերը, հանրային սննդի օբյեկտները կկարողանան ծառայություններ մատուցել նաև փակ տարածքներում», - ասել է Ավինյանը։

Նա ընդգծել է՝ կվերաբացվեն նաև նախակրթարանները, մարզասրահները, բացօթյա պատմամշակութային վայրերը։

Ավինյանը հավելել է, որ այս բոլոր սահմանափաումների թուլացումները կուղեկցվեն համակեցության հստակ կանոնների պահմանմամբ, որոնց չկիրառումը կհանգեցնի համապատասխան տույժերի ու տուգանքների։

Բացի այդ, ըստ նրա՝ մայիսի 25-ից փակ և բաց վայրերում դիմակ կրելը դառնալու է պարտադիր։

«Կանոն խախտողները տուգանվելու են ոստիկանության կողմից», - ասել է Ավինյանը։

ՀՀ-ում կորոնավիրուսի պատճառով մարտի 16-ից հայտարարված արտակարգ դրությունը երկարաձգվել է ևս 30 օրով` մինչև հունիսի 13-ը՝ ժամը 17:00-ն ներառյալ: Վարչապետ Նիկոլ Փաշինյանն ասել է, որ 1500-ից ավելի հիվանդանոցային բուժում ստացող ունենալու դեպքում կրկին սահմանափակումների կգնա Կառավարությունը։3

Ընթերցեք նաև՝ Դիմակ չկրելու տուգանքը կսկսվի 100,000 դրամից

 Ուշագրավ
ՀՀ ԱԻՆ-ը երկրաշարժ էր գրանցել նաև հունիսի 30-ին։
Նա այժմ բուժում է կորոնավիրուսով վարակված ծայրահեղ ծանր պացիենտներին
Նախարարը կոչ է արել ինքնաբուժմամբ չզբաղվել և հետևել միայն բժիշկների խորհուրդներին
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը