Նոյեմբերի 2-ի` ժամը 18:10-ի սահմաններում ադրբեջանական կողմը հրետակոծել է ՀՀ զինված ուժերի մարտական դիրքերի և Սյունիքի մարզի Դավիթ Բեկ բնակավայրի ուղղությամբ։
Այս մասին հայտնում է ՀՀ ՊՆ խոսնակ Շուշան Ստեփանյանը` տեղեկացնելով, որ մեկ քաղաքացիական զոհվել է, ևս երկուսը` վիրավորվել:
Հոկտեմբերի 30-ին հակառակորդը ևս կրակել էր Դավիթ Բեկի վրա, կային ավերածություններ, սատկած անասուններ։
Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։