  Ֆրանսիայի նախագահի թեկնածու․ Արարատի դիմաց կանգնած՝ ուզում ես ասել հայերին՝ դարեր շարունակ դիմադրության օրինակ եք եղել 13 դեկտեմբերի 2021 - 14:27 AMT PanARMENIAN.Net - Հայաստանում է գտնվում ֆրանսիացի հայտնի լրագրող և գրող, ծայրահեղ աջակողմյան ուժերը ներկայացնող Էրիկ Զեմուրը, որը հայտարարել է Ֆրանսիայի նախագահի ընտրություններին մասնակցելու մտադրության մասին։ Դեկտեմբերի 11-ից նա շրջագայում է Հայաստանով և մի քանի գրառում ու լուսանկար է հրապարակել ֆեյսբուքյան իր էջում։ «Մեր քաղաքակրթության մեծությունը միշտ սնուցել է մեր խոսակցությունները՝ և ահա մենք Արարատ լեռան դիմաց ենք՝ Արևմուտքի և Արևելքի սահմանին։ Հայ-թուրքական սահմանին կանգնած, Արարատի դիմաց կանգնած, ուզում ես ասել հայերին, որ դարեր շարունակ նրանք եղել են դիմադրության օրինակ»,- գրել է նա Խոր Վիրապ այցից հետո։ Զեմուրը նաև մոմ է վառել Խոր Վիրապի վանքում։ «Վեհ պատարագ Խոր Վիրապի վանքում՝ պատմության մեջ առաջին քրիստոնեական երկրի օրրանում»,-գրել է նա։ ՀՀ այցից առաջ հրապարակված հաղորդագրության մեջ, որը Զեմուրը տեղադրել էր Twitter-ի իր միկրոբլոգում, ասվում էր, որ այցը Հայաստան հնարավորություն կտա հաստատել աջակցությունը հայ ժողովրդին, որն «անցել է պատերազմի սարսափների միջով»։ Զեմուրը նաև արծարծել է ֆրանսիական ներդրումների հարցը։ Նշվել է, որ այցը կարևորվում է միջմշակութային երկխոսության և Հարավային Կովկասում Ֆրանսիայի քաղաքականության տեսակետից։ Էրիկ Զեմուրը Հայաստանում է եռօրյա այցով։ Զեմուրին հայաստանյան այցում ուղեկցում է նրա ընկերը՝ Ֆիլիպ դը Վիլիերսը։ Ֆրանսիայի նախագահի ընտրությունները կայանալու են 2022թ․ ապրիլին։ Նախագահական ընտրարշավին մասնակցելու մասին Զեմուրը հայտարարել է նոյեմբերին։   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
