Օհանյան․ Հակառակորդը պետք է միակողմանի հետ քաշվի ՀՀ այն հատվածներից, որտեղ մխրճվել է21 հունվարի 2022 - 18:07 AMT PanARMENIAN.Net - Պաշտպանության նախկին նախարար, «Հայաստան» խմբակցության ղեկավար Սեյրան Օհանյանը, անդրադառնալով հայ-ադրբեջանական սահմանին զորքերի հայելային հետքաշման առաջարկին, ասել է, որ հակառակորդը պետք է միակողմանի հետ քաշվի ՀՀ այն հատվածներից, որտեղ մխրճվել է: Նա հավելել է, որ հայկական կողմն այդ ուղղությամբ համապատասխան աշխատանքներ պետք է իրականացնի: «Ի՞նչ է նշանակում զորքերի հայելային հետքաշում: Որտե՞ղ՝ ամբողջ սահմանով մե՞կ, թե՞ այն հատվածներում, որտեղ հակառակորդը մխրճվել է»,- ասել է նա, գրում է Panorama.am-ը։ Նրա կարծիքով, Ադրբեջանը երբևէ չի համաձայնվի հայելային հետքաշմանը, քանի որ Ադրբեջանն ու Թուրքիան հանցագործներ են, նրանք հանցագործություն են իրականացրել ՀՀ և ԱՀ հանդեպ: Պաշտպանության նախկին նախարարը նշել է, որ սահմանագծման և սահմանազատման խնդիրները լուծելու համար հակառակորդ, թշնամի պետությունները պետք է վերածվեն հարևան պետությունների, ստեղծվի երկու հարևան պետությունների կառավարություններից խառը հանձնաժողով, որն աշխատանքներ տանի ճշգրտումներն իրականացնելու համար։ «Ադրբեջանը հիմա մեր համար հարևա՞նն է իր հոխորտանքներով, երկրի ղեկավարի ռազմական հռետորաբանությամբ, սադրանքներով, լոկալ հարձակումներով ՀՀ սահմանում, էլ չեմ ասում Թուրքիայի ընդգրկվածությունը: Միայն լիարժեք, խորաթափանց քննարկումից հետո կարելի է որոշել, թե որտեղ ինչպես պետք է անցի սահմանը, իսկ այս պարագայում հայելային հետքաշում ասածն ինձ համար մերկապարանոց, անիմաստ խոսակցություններ են»,-ասել է նա: Խոսելով ՀԱՊԿ գործունեության մասին՝ Օհանյանն ասել է, որ մինչև 44-օրյա պատերազմը, նույնիսկ ամոթ էր միանգամից դիմել ՀԱՊԿ-ին հայ-ադրբեջանական սահմանին, շփման գծում սադրանքների դեպքում, քանի որ Հայաստանի Զինված ուժերն ի վիճակի էին իրենց առջև դրված խնդիրներն իրականացնել ու իրականացրել են հստակ: «Այլ իրավիճակ է հիմա: Ակնհայտ է, որ միայնակ քո անվտանգության խնդիրները չես կարող լուծել, պետք է այդ դեպքում լուրջ բանակցել նաև ՀԱՊԿ շրջանակում»,- ասել է Օհանյանը: Անվտանգության խորհրդի քարտուղար Արմեն Գրիգորյանը հայտարարել է, որ սահմանագծման և սահմանազատման վերաբերյալ Հայաստանի՝ Ադրբեջանին ներկայացված առաջարկությունների փաթեթը Բաքվին ներկայացրել են գրավոր և այս պահին դեռևս արձագանք չեն ստացել։ Նա ասել է, որ փաթեթն ընդհանուր առմամբ վերաբերում է սահմանում բարենպաստ պայմանների ստեղծմանը, որպեսզի սկսենք սահմանագծման և սահմանազատման գործընթացներ։ «Դա վերաբերում է հայելային տարբերակով զորքերի հետքաշմանը, սահմապահ զորքերի տեղակայմանը սահմանի երկայնքով՝ հաշվի առնելով Խորհրդային Միության տարիներին գոյություն ունեցող քարտեզները», - մանրամասնել է Գրիգորյանը։ Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Բագրատ սրբազան. ՔՊ բարձրաստիճան անդամներ ներքին ուղերձներ են հղում, թե ինչպես կարող են միանալ մեզ «Ճիշտ ենք անում, եթե խառվում ենք քաղաքականությանը՝ դուք չեք կարողանում, դրա համար մենք ենք խառնվում»,–ասել է նա ԱՄՆ դեսպանը Շուշի է այցելել Մինչ օրս նման այց տեղի չէր ունեցել Ավինյան․ «Վեոլիա ջրի» հետ պայմանագիրը կվերանայվի՝ ամեն բակում չենք կարող կոյուղու հարցով զբաղվել Ավինյանն անդրադարձել է առատ տեղումների արդյունքում քաղաքում առաջացած որոշակի խնդիրներին Մետրոն ավելի շուտ կսկսի աշխատանքը և ավելի ուշ կավարտի Գրաֆիկի փոփոխությունը կլինի մայիսի ն13–ից |