Team Solutions-ը ներկայացրել է «Զանգեզոր» ծրագիրը 4Future Banking միջազգային համաժողովին20 մայիսի 2024 - 15:37 AMT PanARMENIAN.Net - 4Future Banking միջազգային համաժողովը Հայաստանում էր համախմբել աշխարհի առաջատար բանկերի մոտ 150 փորձագետի, ովքեր կիսվեցին իրենց փորձով ու գիտելիքներով մշտապես զարգացող բանկային ոլորտի վերաբերյալ: Միջոցառման ընթացքում Team Solutions ընկերությունը ներկայացրել է կոնտակտային կենտրոններին ամբողջական լուծում տրամադրող Zangezor պրոդուկտը։ Ծանոթացնելով ընկերության գործունեության ուղղություններին՝ Team Solutions ընկերության տնօրեն Տաթևիկ Ավագյանը նշել է, որ իրենք մասնագիտացած են պետական կառավարման էլեկտրոնային համակարգերի և մասնավոր ոլորտին ուղղված ծրագրային լուծումների մշակման մեջ։ Ի թիվս բազմաթիվ իրականացրած և ընթացիկ նախագծերի՝ ընկերությունը մշակում է նաև սեփական պրոդուկտները, որոնց շարքում յուրահատուկ տեղ է զբաղեցնում Զանգեզորը։ Վերջինս զանգերի, էլեկտրոնային նամակների, կարճ հաղորդագրությունների և շուտով նաև սոցիալական հարթակներից ստացված հաղորդագրությունների մշակման ու սպասարկման միասնական համակարգ է, որն դյուրինացնում է ծառայություն մատուցող կազմակերպությունների սպասարկման գործընթացը՝ հաճախորդներին հնարավորինս արագ և համապարփակ արձագանք տալով։ «Համակարգի ճկունությունը հնարավորություն է տալիս Զանգեզորը հարմարացնել ցանկացած ոլորտի ընկերության բիզնես գործընթացներին, ինչպես նաև ինտեգրել ընկերության ներքին համակարգերի հետ՝ էականորեն բարձրացնելով հաճախորդների սպասարկման արդյունավետությունը»,- ասել է ծրագրի ղեկավար Լիանա Տեր-Ավետիսյանը։ «Հաշվի առնելով մեր օրերում տեխնոլոգիական ոլորտի աննախադեպ զարգացումները, բնականաբար մենք ևս փորձում ենք ժամանակին համահունչ զարգացնել պրոդուկտը և մեր հաճախորդների համար ապահովել նորարարական լուծումներ։ Առաջիկայում ցանկանում ենք դուրս գալ նաև միջազգային շուկա»,- հավելել է Տաթևիկ Ավագյանը: Ներկայումս փորձարկման փուլում է գտնվում նաև արհեստական բանականության գործիքակազմի ներդրումը համակարգում։ 4Future Banking միջոցառումը ոլորտի մասնագետների համար ծառայել է որպես հարթակ՝ մտքեր փոխանակելու, զարգացող միտումները քննարկելու և թվային դարաշրջանում հաճախորդների զարգացող պահանջները բավարարելու նորարար մոտեցումներ ուսումնասիրելու համար: Պանելային քննարկման և ելույթների ժամանակ խոսնակներն անդրադարձել են այնպիսի կարևոր թեմաների, ինչպիսիք են հաճախորդների ֆիզիկական և թվային փորձառությունների միջև հավասարակշռությունը, թվային դարաշրջանում հաճախորդների հավատարմության ապահովումը, հաճախորդների հետ կայուն հարաբերությունների պահպանումը և այլն։ Team Solutions-ը հանդիսանում է Թիմ ընկերությունների խմբի մաս։ Ուշագրավ Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի | Գերագույն հոգևոր խորհուրդ․ Խստիվ դատապարտում ենք խաղաղ հավաքի մասնակիցների նկատմամբ ակնհայտ ապօրինի քայլերը Խորհուրդը կոչ է արել ՀՀ իշխանություններին զերծ մնալ բռնությունից, ատելություն և թշնամանք սերմանելու դրսևորումներից Բելառուսում ՀՀ դեսպանը կանչվել է Երևան. Մինսկում «հանգիստ են վերաբերվում Փաշինյանի իմպուլսիվ խոսքերին» «Մենք համագործակցել և գործակցելու ենք Ադրբեջանի հետ բոլոր ոլորտներում, այդ թվում՝ ռազմատեխնիկական»,–ասել է Շպակովսկին Հարությունյան․ Արձանագրում եմ ոստիկանության գրագետ և համբերատար աշխատանքը «Մտահոգվելու շատ բան չկա, քանի որ Կաթողիկոսի օրհնած շարժումը չունի հանրության աջակցությունը»,–նշել է նա ՄԻՊ. Ոստիկանության կողմից անհամաչափ ուժի կիրառման յուրաքանչյուր դեպք պետք է անհապաղ իրավական գնահատական ստանա Մանասյանը խիստ դատապարտել է տեղի ունեցածը |