  Ադրբեջանը հայ փախստականներին պետք է պատասխան տա իր գործողությունների համար 8 հուլիսի 2009 - 23:04 AMT PanARMENIAN.Net - «Ադրբեջանը պետք է պատասխան տա Հայաստանի նկատմամբ իր գործողությունների համար», - մամլո ասուլիսի ժամանակ հայտարարել է «Ադրբեջանի հայերի վեհաժողով» հասարակական կազմակերպության առաջնորդ Գրիգորի Այվազյանը: Նրա խոսքերով, կազմակերպությունը դիմել էր Ազգային ժողովին եւ շատ յալ հասարակական կազմակերպությունների` խնդրելով, որպեսզի Հայաստանը 1988-89թթ. Ադրբեջանի գործողությունները ճանաչի որպես ցեղասպանություն: Կազմակերպության դիմումին արձագանքել էր միայն «Ժառանգություն» կուսակցությունը:«Այդ գործով զբաղվելու պատրաստակամություն էր հայտնել Լարիսա Ալավերդյանը», - հայտարարել է Այվազյանը, նշելով, որ առաջին քայլը եղել է Լեռնային Ղարաբաղը ոչ թե որպես առանձին, այլ որպես Հայաստանի հետ միասնական պետություն ներկայացնելու առաջարկը: «Մենք դիմել են մի քանի հեռուստաալիքների` եղանակի տեսության հաղորդումների ժամանակ Հայաստանն ու Լեռնային Ղարաբաղը որպես մեկ պետություն ներկայացնելու խնդրանքով, սակայն վերջինիս արձագանքել է միայն «ԱԼՄ»-ն», - հայտարարել է նա: Այվազյանը հաղորդել է, որ փիլիսոփայության դոկտոր Ալեքսանդր Մանասյանի հետ միասին ծրագրում է հիմնադրել Ադրբեջանից հայ փախստականների շահերի պաշտպանության կոմիտե: Նա նաեւ հայտարարել է, որ 1988-89թթ. Ադրբեջանի գործողությունները որպես ցեղասպանություն պաշտոնապես ճանաչելու դեպքում, Ադրբեջանական կողմը պարտավոր կլինի վնասը փոխհատուցել 100 մլն դոլարի չափով: Գրիգորի Այվազյանն ընդգծել է, որ Ադրբեջանը ժամանակին բռնի արտաքսել էր շուրջ կես մլն հայ եւ ավելացրել, որ փախստականները պատրաստ են ետ վերադառնալ, քանի որ ի սկզբանե դա հայկական հող է եղել: «Ներկայուս Ադրբեջանի գործողությունները խոսում են այն մասին, որ երկիրը նախապատրաստվում է Հայաստանի դեմ պատերազմ-ռեւանշի», - հայտարարել է Գրիգորի Այվազյանը: Նա նաեւ քննադատել է տարածաշրջանում ղարաբաղյան խնդրի լուծման հետ կապված «ժողովրդական դիվանագիտության» իրականացման գործողությունները` հայտարարելով, որ մտավորականության այդ բոլոր հանդիպումները շահավետ չեն Հայաստանի համար, այլ ընդհակառակը, օգտագործվում են Ադրբեջանի եւ Թուրքիայի կողմից սեփական քարոզչության նպատակներով: «Հայաստանը պետք է առավել ագրեսիվ դիրք զբաղեցնի այդ հարցում», - հայտարարել է նա:   Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական   Ամենաընթերցվողը բաժնում |  Բաժիններ թեմայով Սյուժե Վերջին լուրեր «Ոսկե ծիրանի» լիամետրաժ ֆիլմերի ժյուրին կգլխավորի կրկնակի օսկարակիր Ալեքսանդր Փեյնը  Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 ՕսկարիԵրևանում մեկնարկում է հայ–ամերիկյան համաժողովը․ Կմասնակցի Պետքարտուղարի տեղակալը Համաժողովը, որ առաջին է իր տեսակի մեջ, կմիավորի ԱՄՆ-ի և Հայաստանի քաղաքապետներին, ինչպես նաև նահանգների ղեկավարներինՔՊ-ականը սահմանի սահմանազատված հատվածի լուսանկար է հրապարակել «ՀՀ սահմանազատված պետական սահման` Տավուշ»,–գրել է նաԽոստացվածից 3 տարի անց Շուռնուխի 13 տունը շահագործման է հանձնվել Շինարարությունը պետք է ավարտվեր դեռ 2021–ին, սակայն, մինչ օրս պարբերաբար հետաձգվում էր |
