ԵԱՀԿ երևանյան գրասենյակի ղեկավարը քննարկում է արդարադատության համակարգի բարեփոխումները 2 հունիսի 2010 - 21:18 AMT PanARMENIAN.Net - ԵԱՀԿ երևանյան գրասենյակի ղեկավար, դեսպան Սերգեյ Կապինոսը հունիսի 2-ին հանդիպել է ՀՀ արդարադատության նախարարի հետ` քննարկելու ընթացիկ համագործակցությունը արդարադատության համակարգի բարեփոխման ոլորտում: Հանդիպման ժամանակ կողմերը կարևորել են քրեական արդարադատության բարեփոխման և օրենքի գերակայության խթանումը Հայաստանում: ԵԱՀԿ երևանյան գրասենյակի ղեկավարն իր պատրաստակամությունն է հայտնել` ներդրում ունենալու դատական բարեփոխումների գործընթացում և միջազգային փորձագիտական աջակցություն ցուցաբերելու քրեական դատավարության օրենսգրքի նախագծի կապակցությամբ: Դեսպան Կապինոսը բարձր է գնահատել արդարադատության նախարարության ջանքերը` ԵԱՀԿ ԺՀՄԻԳ դատավարությունների դիտարկման մասին զեկույցի առաջարկների իրականացման ուղղությամբ: «Քանի որ դատական անկախությունը և օրենքի գերակայությունը ԵԱՀԿ մարդու իրավունքների հանձնառություններից են, գրասենյակը պատրաստ է աջակցելու արդարադատության նախարարության բարեփոխումների ջանքերին», - ասել է դեսպան Կապինոսը: Քննարկվել են քրեակատարողական համակարգի հետագա բարեփոխումները` միջազգային չափանիշներին համապատասխան: ԵԱՀԿ երևանյան գրասենյակի ղեկավարը նաև նշել է հավաքների անցկացման իրավունքի ազատ և օրենքին համապատասխան իրականացման երաշխիքների կարևորությունը` մարդու իրավունքների կարևորագույն հանձնառությունների շարքում: ԵԱՀԿ երևանյան գրասենյակը համագործակցում է արդարադատության նախարարության, պետական կառույցների և քաղաքացիական հասարակության ներկայացուցիչների հետ` խթանելու մարդու իրավունքների պաշտպանությունը Հայաստանում` միջազգային չափանիշներին համահունչ: Այս մասին հաղորդում է ԵԱՀԿ մամլո գրասենյակը:
Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |